تاعى ءبىر قازاق بوكسشىسى كاسىپقوي رينگتە العاشقى جەكپە-جەگىن وتكىزەدى

استانا. قازاقپارات - «Astana Arlans» قۇرامىندا WSB چەمپيونى بولعان ارمان رىسبەك ا ق ش- تا كاسىپقوي بوكستاعى العاشقى جەكپە-جەگىنە دايىندالۋدا، دەپ حابارلايدى Sports.kz.

بوكسشىنىڭ مەنەدجەرى فارحاد شاريپوۆ Facebook-كە ارماننىڭ دەبيۋتى 1 -جەلتوقسان كۇنى فلوريدا شتاتىنىڭ تامپ قالاسىندا، تاعى ءبىر قازاقستاندىق بىلعارى قولعاپ شەبەرى يۆان دىچكونىڭ بوكس كەشىندە وتەتىنىن جازدى.

ونىڭ قارسىلاسى 26 جاستاعى امەريكالىق بوكسشى دونالد دجەكسون (0-1) بولماق. ەكىنشى ورتا سالماقتاعى جەكپە-جەك ءتورت راۋندقا جالعاسادى.

Boxrec.com-نىڭ اقپاراتىنا سۇيەنسەك، 27 -قاڭتاردا ورلاندودا ارمان ەكىنشى ايقاسىن وتكىزۋى ءتيىس. وندا جەرلەسىمىز امەريكالىق ەشتون سايكسپەن (1-0) جۇدىرىق تۇيىستىرەدى. سول بوكس كەشىندە رينگكە كىشى فلويد مەيۆەزەردىڭ ءىنىسى دجاستين مەيۆەزەر دجونس تا كوتەرىلەدى.