بۋرابايدا تۇڭعىش رەت «قانسونار» حالىقارالىق تۋرنيرى وتەدى
«اقمولا وبلىسىندا جىل سايىن اتاقتى قۇسبەگى ءماسىپ باتىرحان ۇلىنىڭ قۇرمەتىنە «قانسونار» ساياتشىلار سايىسى وتكىزىلەدى. سوناۋ 30- جىلدارى ءماسىپ باتىرحان ۇلى قۇس سالىپ، اڭ اۋلاپ، اۋىلداستارىن اشتىقتان امان الىپ قالىپتى. ال ۇلى وتان سوعىسى جىلدارى ءوزىنىڭ ادال كومەكشىسىنىڭ كومەگىمەن اۋلانعان اڭداردىڭ باعالى تەرىلەرىن رەسەيگە وتكىزىپ، سودان تۇسكەن قارجىنى مايدانعا قاجەتتى وق- ءدارى ساتىپ الۋعا جۇمساعان ەكەن»، - دەپ اتاپ ءوتتى اقمولا وبلىستىق تۋريزم باسقارماسى جانىنداعى تۋريستىك اقپاراتتىق ورتالىعىنىڭ باسشىسى دانيار يدياتوۆ.
بۇل جولعى تۋرنيرگە قازاقستان رەسپۋبليكاسى جانە ازيا ەلدەرىنەن بۇركىت، يتەلگى، قارشىعا باپتاۋمەن اينالىساتىن مىقتى قۇسبەگىلەر شاقىرتىلدى. تۋرنير تالابى بويىنشا اڭشى قۇستاردىڭ قولعا قوندىرۋ، شىرعا تارتۋ ارقىلى العىرلىقتارى سىنالادى. اقتىق سىنعا شىققاندار قويان، تۇلكى جانە قاسقىرعا الۋعا سالىنادى.
«شارانىڭ ماقساتى مەملەكەت باسشىسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» ماقالاسىندا ايتىلعان حالقىمىزدىڭ سالت- ءداستۇرىن جاڭعىرتىپ، ناسيحاتتاۋعا باعىتتالعان»، - دەدى دانيار يدياتوۆ.
ايتا كەتەيىك، ۇيىمداستىرۋشىلار 2017 -جىلدىڭ 1 - جەلتوقسانىنا دەيىن جارىسقا قاتىسۋشىلاردىڭ وتىنىشتەرىن قابىلدايدى. شارانى تاماشالاۋعا نيەت بىلدىرگەندەردى استانا مەن كوكشەتاۋ قالالارىنان اۆتوبۋسپەن تاسىمالداۋ دا قاراستىرىلعان.
اۆتور: اسلان وسپانوۆ
