الماتىدا كاسىپكەرلىكپەن اينالىسقان قىتاي ازاماتى جوعالىپ كەتتى
الماتى. قازاقپارات - الماتى قالاسىنىڭ ىشكى ىستەر دەپارتامەنتى قىتاي ازاماتىنىڭ جوعالىپ كەتكەنىن راستادى، دەپ حابارلايدى قازاقپارات ءتىلشىسى.
رەن سيۋمەي ەسىمدى قىتايلىق سوڭعى رەت 30 - قازان كۇنى «دوستىق پلازا» ساۋدا ورتالىعىندا بولعان. ونىڭ ساۋدا ورتالىعىنان كەشكى ساعات 20:00-دە شىققانى بەينە باقىلاۋ كامەراسىندا جازىلعان.
وسىدان كەيىن ول الماتىدا توقتاعان قوناق ۇيىنە ورالماعان. الماتى ىشكى ىستەر دەپارتامەنتى اتالعان فاكتى بويىنشا جەدەل- تەرگەۋ توبى قۇرىلعانىن ايتتى. تەرگەۋ توبىنىڭ قۇرامىنا مەدەۋ اۋداندىق ءى ءى ب كريمينالدى پوليتسيا قىزمەتكەرلەرى ەنگەن.
«دوستىق پلازاعا» كەلمەستەن بۇرىن، ول ماقاتايەۆ پەن سەيفۋللين كوشەلەرىنىڭ قيىلىسىنداعى ساۋدا ورتالىعىندا بولعان.
اقپارات كوزدەرىنىڭ حابارلاۋىنشا، قىتايلىق قىز الماتىعا ەلەكتروندىق تەمەكى ساتۋعا كەلگەن.
اۆتور: الماس مۇقاش ۇلى
