اڭشى كورشىسىن بۇعىمەن شاتاستىرىپ اتىپ ءولتىردى
استانا. قازاقپارات - ا ق ش- تىڭ پەنسيلۆانيا شتاتىندا 34 جاستاعى توماس دجادلوۆسكي 43 جاستاعى كورشىسى روزماري بيلكيستى اتىپ ءولتىردى.
ەر ادام بۇل كەزدە شۋگار جانە ستەللا اتتى ەكى لابرادورىمەن بىرگە سەرۋەندەپ جۇرگەن، دەپ حابارلايدى Baq.kz اقپارات اگەنتتىگى تھە Mirror باسىلىمىنا سىلتەمە جاساپ.
كەشكىلىك مەزگىلدە يتتەرىمەن بىرگە سەرۋەندەپ جۇرگەن ەر ادام كورشىسىن بۇعىمەن شاتاستىرىپ، وعان وق اتقان. ارتىنشا ايەلدىڭ ايقايلاعان داۋىسىن ەستىپ، جانىنا جۇگىرىپ بارادى. بۇعى دەپ اتقانى روزماري ەكەن. وق ايەلدىڭ سانىنا تيگەن.
روزماريدىڭ كۇيەۋى دجەرەمي بيلكيست بۇل كەزدە ءۇي ىشىندە تەلەديدار قاراپ وتىرعان. كەيىن يتتەرى ۇرگەن كەزدە دالاعا جۇگىرىپ شىعىپ، قانسىراپ جاتقان ايەلىن كورەدى.
«ايتارعا ءسوزىم جوق. ايەلىم قاتتى قينالىپ جاتتى. سول ساتتەگى كورىنىس ماڭگىلىك جادىمدا قالادى» ، - دەيدى دجەرەمي بيلكيست.
كوپ قان جوعالتقان ايەل اۋرۋحاناعا جەتىپ كوز جۇمدى.
«مەن ونى ءاردايىم ساعىناتىن بولامىن. ونىڭ كوكتە بيلەپ جۇرگەنىن بىلەمىن. ول قايتىس بولىپ كەتكەن دوستارىمىزبەن جانە اناسىمەن بىرگە ءجۇر» ، - دەيدى دجەرەمي بيلكيست.
پەنسيلۆانيا بيلىگى كەشكى مەزگىلدە اڭ اۋلاۋعا تىيىم سالمايدى. سول سەبەپتى، پوليتسيا اڭشىنى تۇتقىندامادى. ءبىراق، اتالعان ىسكە قاتىستى تەرگەۋ امالدارى جالعاسىپ جاتىر.
