قازاقستانداعى تۋريزم تۇرلەرى
ءدال وسى جىلى ءتۋريزمدى دامىتۋ باعدارلاماسى دايىندالىپ، ال 1997 - جىلى «1997-2003 -جىلدار كەزەڭىندە ۇلى جىبەك جولىنىڭ تاريحي ورتالىقتارىنىڭ وركەندەۋى، تۇركى ءتىلدى مەملەكەتتەردىڭ مادەنيە مۇرالارىن ساقتاۋ جانە تۋريستىك ينفراقۇرىلىم قۇرۋ» مەملەكەتتىك باعدارلاماسى بەكىتىلدى. ەلىمىزدە ءتۋريزمنىڭ دامۋى ءۇشىن بارلىق قاجەتتى، مادەني، تاريحي، گەوگرافيالىق جانە كليماتتىق جاعدايلار بار. قازاقستانداعى قانداي تۋريزم تۇرلەرى بار ەكەنىن بىلەسىز بە؟ بىزدە ءتۋريزمنىڭ بىرنەشە ءتۇرى قارقىندى دامىپ كەلەدى. ولار: ەتنوتۋريزم، تاۋ ءتۋريزمى، ەمدىك- ساۋىقتىرۋ ءتۋريزمى، مادەني- تانىمدىق تۋريزم، اڭشىلىق پەن بالىق اۋلاۋ، ت. ب. سولارعا توقتالىپ كورەيىك.
1. ەتنوتۋريزم 
ەتنوتۋريزم - قازاقستانداعى ەلدىڭ باي تاريحي وتكەنى مەن قازاق حالقىنىڭ مادەنيەتىنىڭ وزىندىگىنە قىزىعاتىن ادامداردى تارتاتىن ءتۋريزمنىڭ ءبىر ءتۇرى. قازاقستاننىڭ قاي ايماعىندا بولماسىن جولاۋشىلار قازاق ەتنوسىنا ءتان سالت- داستۇرمەن، شىعارماشىلىق ەرەكشەلىكپەن تانىسىپ، ەلدىڭ مادەنيەتى مەن تۇرمىس- تىرشىلىگىن زەرتتەي الادى.
2. تاۋ ءتۋريزمى 
قازاقستان تاۋ ءتۋريزمى ءۇشىن قولايلى ەل. مۇندا بۇل سالادا بارلىق جاعداي جاسالعان دەۋگە بولادى. قازاقستان بويىنشا تۋرلار بەلسەندى دەمالىستى، جابايى تابيعاتپەن كەزدەسۋلەردى، قارلى تاۋ شىڭدارىنا شىعۋدى، سونىمەن قاتار، جول- جونەكەي جۇمباققا تولى ۇڭگىرلەر مەن كوگىلدىر تەرەڭ سۋلى كولدەردىڭ جاعالارىن زەرتتەۋلەردى قوسادى.
3. ەمدىك- ساۋىقتىرۋ ءتۋريزمى 
دامۋشى ەلىمىز ەمدىك- ساۋىقتىرۋ ءتۋريزمى ءۇشىن ەرەكشە جەر. سەبەبى، ەلىمىز تەك قانا ەمدىك تابيعي رەسۋرستارمەن عانا باي ەمەس، سونىمەن بىرگە، تابيعي وڭىرلەردە ورنالاسقان زاماناۋي شيپاجايلارىمەن دە تانىمال. ەمدىك- ساۋىقتىرۋ ءتۋريزمى قازاقستاننىڭ بارلىق تەرريتورياسىنا تارالعان، سوندىقتان، ءسىز ەلدىڭ قاي جەرىندە بولساڭىز دا، ەمدەلۋمەن دەمالىستى قاتار قولدانا الاسىز. ەمدىك كۋرورتتار ءتۇرلى اۋرۋلارعا ەم بولاتىن مينەرالدى سۋ، بۇعى مۇيىزىمەن ەمدەۋ، ەمدىك كليمات جانە ت. ب. ءتۇرلى ەمدەۋ قىزمەتتەرىن ۇسىنادى.
4. مادەني- تانىمدىق تۋريزم 
ەلىمىزدە 25 مىڭنان استام ەسكەرتكىشتەر جانە گەوگرافيالىق كورىكتى جەرلەر بار ەكەن. قازاقستاننىڭ تاريحي جانە مادەني مۇراسى وبەكتىلەرى يۋنەسكو الەمدىك ماڭىزى بار ەسكەرتكىشتەرى بولىپ تانىلادى جانە وسى ۇيىمنىڭ قورعاۋىندا. سونىمەن قاتار مادەني قۇندىلىقتاردىڭ 2 ميلليوننان استام بىرلىكتەرى قازىرگى قازاقستان جەرىنىڭ تۇرمىستىق مادەنيەتىنىڭ دامۋىنىڭ بارلىق كەزەڭدەرىن بەينەلەيدى.
5. اڭشىلىق پەن بالىق اۋلاۋ 
ەرلەردىڭ ەڭ قىزىعاتىن اۋەسقويلىلىعى - اڭ اۋلاۋ مەن بالىق اۋلاۋ. بۇل ادام مەن تابيعات بايلانىسى مادەنيەتىنىڭ ءبىر بولىگى ىسپەتتەس. ناعىز اڭشى جانۋارلار الەمى مەن ونى بەلسەندى قورعاۋ تۋرالى اقپاراتقا ءارقاشان قىزىعۋشىلىق تانىتادى. سول سەكىلدى بالىق اۋلاۋ دا جاقسى دەمالىس. كول جانىندا ءارقاشان تازا، جۇپارلى اۋا. ول جەردە ادام كۇندەلىكتى تۇرمىس- تىرشىلىكتەن ءبىر ساتكە بوساپ، سەرگەك كۇيدى سەزىنەدى.
Massaget.kz
