تايلاندتا ءوز يەسىن ولتىرگەن ءپىل ءمايىتتى تىعىپ تاستاعان
استانا. قازاقپارات - تايلاندتا ءوز يەسىن ولتىرگەن ءپىل قۇربانىنىڭ دەنەسىن اعاش بۇتاقتارىنىڭ استىنا تىعىپ تاستاعان. بۇل تۋرالى Nation حابارلادى.
كەيىن ەر ادامنىڭ تۋىستارى ونى بىرنەشە ساعاتتان كەيىن عانا تاۋىپ العان. وقيعا ەلدىڭ وڭتۇستىگىندەگى كرابي پروۆينتسياسىنداعى كحاو پحانوم اۋدانىندا 26 - قاراشا كۇنى بولىپتى. پوليتسيانىڭ مالىمەتىنشە، تۋعان- تۋىستارى 50 جاستاعى امورن موراكوتتىڭ ءمايىتىن شىنجىرلانىپ تۇرعان ءپىلىنىڭ قاسىنداعى بۇتاقتار ءۇيىندىسىنىڭ استىنان تاۋىپ الىپتى.
ساراپتاما قورىتىندىسى بويىنشا ەر ادام باس جانە دەنەگە جاسالعان سوققىلاردان قايتىس بولعان. وتباسى مۇشەلەرى سول كۇنى موراكوت كۇنى بويى اعاش تاسىعان ءپىلىن شىنجىرلاپ بايلاماقشى بولعانىن ايتادى. فەرمەر بىرنەشە ساعات كورىنبەي كەتكەندىكتەن، تۋىستارى ونى ىزدەۋگە شىعىپتى. جاقىندارىنىڭ ايتۋىنشا، حايۋان بۇعان دەيىن دە يەسىنە شابۋىل جاساپ، جاراقاتتاعان.
www.24.kz
