التىنەمەل ۇلتتىق پاركىنىڭ اشا تۇياقتى جانۋارلارى ىلە- بالقاش رەزەرۆاتىنا كوشىرىلەدى
«بۇگىندە ىلە- بالقاش رەزەرۆاتىن قۇرۋ بويىنشا نەگىزگى جۇمىستار اياقتالدى. ونىڭ اۋماعى 415 مىڭ گەكتاردى قۇرايدى. 2018 -جىلى رەزەرۆاتتى ۇستاۋعا رەسپۋبليكالىق بيۋدجەتتەن 117 ميلليون تەڭگە، ماتەريالدىق- تەحنيكالىق جابدىقتاۋى ءۇشىن - 73 ميلليون تەڭگە بولىنەدى. ودان بولەك، ب ۇ ۇ دامۋ باعدارلاماسى اياسىندا كەلەسى جىلى 19 ميلليون تەڭگە، 2019 -جىلى - 17 ميلليون تەڭگە بولىنەدى»، - دەپ اتاپ ءوتتى م. اينابەكوۆ ق ر ا ش م جولبارىستاردى قالپىنا كەلتىرۋ جۇمىستارىنا ارنالعان جينالىستا.
كوميتەت ءتوراعاسىنىڭ ايتۋىنشا، ىلە- بالقاش رەزەرۆاتىن قۇرۋ باعدارلاماسى 20 جىلعا جوسپارلانعان. العاشقى 5 جىلدىقتا توعايلى جانە جايىلما ورمانداردى قالپىنا كەلتىرۋ مەن ءتالىمباقتار قۇرۋ جۇمىستارى جۇرگىزىلەدى. ەكىنشى كەزەڭدە جولبارىستارعا ارنالعان قورەكتىك بازانى قۇرۋ، ياعني تۇياقتى جانۋارلار قالپىنا كەلتىرىلەدى.
«رەزەرۆات قىزمەتىنىڭ العاشقى كەزەڭىندە تابيعي كەشەندەر مەن نىسانداردى قورعاۋ، جايىلما ورمانداردى قالپىنا كەلتىرۋ جانە بۇقار بۇعىسىن جەرسىندىرۋ جۇمىستارىن جۇرگىزەمىز. اتالعان جۇمىستاردى 2020 -جىلعا دەيىن اياقتاۋىمىز قاجەت»، - دەپ ءوز ءسوزىن تولىقتىردى م. اينابەكوۆ.
قازاقستانداعى جولبارىستاردى قالپىنا كەلتىرۋ ماقساتىندا قۇرىلعان «ىلە- بالقاش» تابيعي رەزەرۆاتىندا وتاندىق ماماندار عانا جۇمىس ىستەيتىن بولادى.
«رەزەرۆات شتاتىنا ارنالعان قاراجات رەسپۋبليكالىق بيۋدجەتتە قاراستىرىلعان جانە ونداعى فلورا مەن فاۋنانى قالپىنا كەلتىرۋ ءۇشىن سىرتتان مامان شاقىرىلمايدى. وندا تابيعاتتى قورعاۋ، ورمان شارۋاشىلىعى سالاسىنداعى وتاندىق ماماندار مەن ءبىزدىڭ كوميتەتتىڭ قىزمەتكەرلەرى جۇمىس ىستەيتىن بولادى» - دەپ اتاپ ءوتتى م. اينابەكوۆ ق ر ا ش م جولبارىستاردى قالپىنا كەلتىرۋ جۇمىستارىنا ارنالعان جينالىستا.
ايتا كەتەيىك، 2018 -جىلدىڭ 1 - قاڭتارىندا جولبارىستار تىرشىلىك ەتەتىن «ىلە- بالقاش» مەملەكەتتىك تابيعي رەزەرۆاتى ءوز جۇمىسىن باستايدى. قازاقستانداعى جولبارىستاردىڭ رەينترودۋكتسياسى بويىنشا بىرلەسكەن باعدارلامانى جۇزەگە اسىرۋ بويىنشا ق ر اۋىل شارۋاشىلىعى مينيسترلىگى مەن رەسەيدىڭ بۇكىلالەمدىك جابايى تابيعات قورى اراسىندا ىنتىماقتاستىق تۋرالى مەموراندۋم بەكىتىلگەن.
اۆتور: ايجان سەرىكجان قىزى
