وڭتۇستىك افريكانىڭ بويجەتكەنى «عالامشار ارۋى» اتاندى

بايقاۋ فينالى ا ق ش- تىڭ لاس- ۆەگاس قالاسىندا ءوتتى. اق التىننان جاسالىپ، جاقۇت جانە گاۋحار تاستارمەن كومكەرىلگەن ءتاجدى 22 جاستاعى بويجەتكەننىڭ باسىنا بايقاۋدىڭ وتكەن جىلعى جەڭىمپازى فرانسۋز قىزى يريس ميتتەنار كيگىزدى.

«جەتەلەگەن ارماندارىمنىڭ سوڭىنا بۇدان ءارى دە ىلەسە بەرەمىن. قاندايدا ءبىر جەتىستىككە جەتۋ ءۇشىن مۇمكىندىكتەردى كۇتۋ كەرەك دەگەنگە ەش سەنبەيمىن. كەرىسىنشە، مۇمكىندىكتى تۋدىرا ءبىلۋىڭ كەرەك» ، - دەدى جەڭىمپاز ماراپاتتاۋ ساتىندە سويلەگەن سوزىندە.

 دەمي- لي بيزنەس جانە مەنەدجمەنت فاكۋلتەتىنىڭ تۇلەگى. وڭتۇستىك افريكا «عالامشار ارۋى» بايگەسىندە سوڭعى مارتە سوناۋ 1978 -جىلى توپ جارعان بولاتىن. عالامشاردىڭ ەڭ سۇلۋ ارۋى اتاعى ءۇشىن 89 ەلدىڭ بويجەتكەنى تالاستى. ءبىرىنشى ۆيتسە- ميسس كولۋمبيالىق لاۋرا گونزالەس اتانسا، ەكىنشى ۆيتسە- ميسس مارتەبەسىنە يامايكالىق داۆينا بەنەت لايىق دەپ تانىلعان.

ەستەرىڭىزگە سالا كەتەيىك، بايقاۋعا قازاقستاننىڭ اتىنان «الماتى ارۋى - 2016» اتاعىنىڭ يەگەرى كاميلا اسىلوۆا قاتىستى. ول الماتىداعى ەسترادا جانە تسيرك كوللەدجىندە وقيدى جانە اكتريسا بولۋدى ارماندايدى. ۇلتتىق كيىمدەر بايقاۋىندا كاميلا وتاندىق ديزاينەر ماليكا ءۇسىپوۆانىڭ كويلەكتەرىن كورسەتتى.

«كاميلا فينالدىق توپ-16 عا وتپەسە دە، قازاقستاندى جوعارى دەڭگەيدە تانىستىرا ءبىلدى. كاميلا، ءبىز سەنى ماقتان تۇتامىز» ، - دەپ جازدى «ميسس قازاقستان» بايقاۋىنىڭ قاتىسۋشىلارى Instagram-داعى پاراقشالارىنا.

«عالامشار ارۋى» بايقاۋى العاش رەت 1952 -جىلى ا ق ش- تا ءوتتى