تالدىقورعان ماڭىندا ەڭ مىقتى بۇركىتتەر مەن قۇسبەگىلەر انىقتالۋدا

تالدىقورعان. قازاقپارات - الماتى وبلىسىندا «سونار-2017» قۇسبەگىلەر جارىسى باستالدى. دودا تالدىقورعانعا جاقىن جەردەگى سىرىمبەت اۋىلىنىڭ ماڭىندا وتۋدە، دەپ حابارلايدى قازاقپارات ءتىلشىسى.

بيىلعى سايىس قازاقستان رەسپۋبليكاسى رامىزدەرىنىڭ 25 جىلدىعى جانە جالايىر شورا اتىنداعى قۇسبەگىلەر مەكتەبىنىڭ 30 جىلدىعى اياسىندا ءوتىپ وتىر.

دوداعا قازاقستاننىڭ ءار ايماعى مەن قىتاي جانە موڭعوليا ەلىنەن 100 دەن استام قۇسبەگى قاتىسۋدا. ولار 70 كە جۋىق بۇركىت، قارشىعا، يتەلگى مەن ءبيدايىق سىندى قۇستاردى باپتاپ اكەلىپ وتىر.

سايىس ەكى كەزەڭدە وتەدى. جارىستىڭ العاشقى كۇنىندە قۇسبەگىلەر شىرعاعا سالۋ، قويان اۋلاۋ ونەرىمەن سىنعا ءتۇستى.

ال اقتىق دودادا قۇسبەگىلەر بۇركىتتەرىن تۇلكىگە سالىپ جارىسادى. تورەشىلەر بۇل جولى قىران قۇس پەن قۇسبەگى اراسىنداعى قارىم-قاتىناسقا دا نازار اۋدارۋدا.

اقتىق سايىسقا 7 بۇركىتشى شىعىپ وتىر. قارشىعا مەن يتەلگىنىڭ ونەرى بولەك باعالانباق.