حالقى اشىعىپ جۇرگەن زيمبابۆەدە بۇرىنعى پرەزيدەنتتىڭ بالالارى شالقىپ ءومىر سۇرۋدە - فوتو

NUR. KZ پورتالى اقشانى سۋداي شاشاتىن ەلدەگى بايدىڭ بالالارىن نازارعا ۇسىنادى.

التىن كولىكتەرگە وتىرىپ، جەكە ۇشاقپەن الەم ارالايتىن قالتالى جاستار ءوز بايلىعىن جەلىدە جارقىراتىپ كورسەتكەندى ابىروي سانايدى.

زيمبابۆە حالقىنىڭ دەنى ءسىڭىرى شىققان كەدەيگە اينالعاندا، ەلدى 1980-جىلدان بەرى باسقارىپ كەلگەن روبەرت مۋگابەنىڭ بالالارى مەن تۋىستارى استا-توك بايلىققا كەنەلگەن.

تاقتان تۇسىرىلگەن پرەزيدەنتتىڭ 24 جاستاعى ۇلى كىشى- روبەرت مۋگابە مەن 20 جاستاعى قىزى چاتۋنگا مۋگابەنىڭ پاراقشالارى ەكەۋىنىڭ دە شەكسىز بايلىققا يە ەكەنىن بىردەن اڭعارتادى.

قىركۇيەكتە كىشى- روبەرت ەكى Rolls-Royce كولىگىن ساتىپ الىپ، جاقىندا عانا دۋبايدا قارا «بەتموبيلىمەن» ماقتانعان بولاتىن.

ودان بولەك جاس جىگىت جەلى پاراقشاسىندا التىنمەن بەزەندىرىلگەن جەكە ۇشاعىنىڭ سۋرەتىن ءجيى جاريالاپ وتىرادى.

كيىمىنە دە اقشاسىن ايامايتىن ازامات دجۋزەپپە زانوتتيدىڭ قولتىراۋىن تەرىسىنەن جاسالعان 14 مىڭ دوللارلىق اياق كيىمىن ساتىپ الىپتى.

جاس جىگىت - ەرىن دالابىمەن اتاتىن التىن ريەۆولۆەردىڭ يەسى.

ونىڭ اعاسى چاتۋنگا گاۋھار تاسپەن بەزەندىرىلگەن 60 مىڭ دوللارلىق Rolex ساعاتىن تاعادى.

حالىقتىڭ %93  ى ىشەرگە اس تاپپاي وتىرعاندا، بۇرىنعى پرەزيدەنتتىڭ تۋىستارى ميلليونداعان دوللار بايلىقتى قالتاسىنا باسقان. ماسەلەن، ماگنات فيليپ چيانگتىڭ قىزدارى بۇرىنعى پرەزيدەنتتىڭ بالالارىنان ەش قالىسپاي، شالقىپ ءومىر سۇرۋدە.

ۆانەسسا چيرونگا - «زيمبابۆەلىك كارداشيان» .



ونىڭ اپكەسى - ميشەل چيرونگا.

مۋگابە تاقتان كەتكەنىمەن، ونىڭ تۋىستارى ايتارلىقتاي قينالا قويمايتىنى انىق. ولاردىڭ قالتاسىنا باسقان دۇنيە- مۇلكى ءومىرىنىڭ سوڭىنا دەيىن شالقىپ جۇرۋىنە مۇمكىندىك بەرەدى.