استانادا جەبە پىشىندەس مۇز ايدىنى اشىلدى - فوتو

سوعان قاراماستان بۇگىن EXPO ايماعىندا العاشقى مۇز ايدىنى اشىلدى. ونىڭ استىندا ورناتىلعان توڭازىتقىش قۇرالدارىنىڭ كومەگىمەن مۇزدى ءساۋىر ايىنا دەيىن ۇستاپ تۇرۋعا مۇمكىندىك بار، دەپ حابارلايدى قازاقپارات ءتىلشىسى.

مۇز ايدىنى تۋرا «نۇر الەم» پاۆيلونى جانىندا ورنالاسقان. سۋ بۇرقاقتار قورشالىپ، استىنا توڭازىتقىش تۇتىكتەرى جۇرگىزىلدى. ءسويتىپ، ۇستىنە مۇز قۇيىلدى. اۋدانى - 4 مىڭ شارشى مەتر.

وعان ءبىر ۋاقىتتا 700 ادام كىرىپ، كونكي تەبە الادى. ۇيىمداستىرۋشىلاردىڭ ايتۋىنشا، مۇز ايدىنىنىڭ ءپىشىنى جەبەگە، ناقتى ايتساق، جەبەنىڭ ۇشىنا ۇقسايدى. قاق ورتاسىندا EXPO- نىڭ لوگوتيپى بەينەلەنگەن.

«مۇز ايدىنىنىڭ استىندا ورنالاسقان توڭازىتقىش قۇرالدارىنىڭ كومەگىمەن مۇزدى 10+ گرادۋسقا دەيىن ۇستاپ تۇرۋعا مۇمكىندىك بار. وسىنىڭ ارقاسىندا ءبىز سىرعاناۋ ماۋسىمىن كەلەسى جىلدىڭ ءساۋىر ايىنا دەيىن ۇزارتا الامىز. ال مۇزدىڭ ساپاسىن ساقتاۋ ءۇشىن ارنايى ماشينالار قولدانىلادى»» - دەيدى جوباعا جاۋاپتى كومپانيانىڭ وكىلى ەرلان ۇمبەتوۆ.

«استانا ەكسپو-2017» ۇلتتىق كومپانياسى تاراتقان مالىمەتكە سايكەس، اتالعان جوباعا بيۋدجەت اقشاسى جۇمسالعان جوق.

بۇل - كومپانيانىڭ ءوز قاراجاتى. مۇز ايدىنىنا 300 ميلليون تەڭگە جۇمسالدى. وعان كىرۋ دە ارزان ەمەس. كونكيدى 1000 تەڭگەگە جالعا العاننان كەيىن مۇز ايدىنىنا كىرۋ ءۇشىن تاعى 1000 تەڭگە تولەۋ كەرەك.

دەگەنمەن، زەينەتكەرلەر مەن وقۋشىلار ءۇشىن 50 پايىزدىق جەڭىلدىك قاراستىرىلعان. ال 6 جاسقا دەيىنگى بالالار تەگىن كىرە الادى. ءبىراق كىشكەنتاي بالالار ۇستاپ جۇرەتىن پينگۆين سياقتى قوسىمشا اكسەسسۋارلاردى العانى ءۇشىن اقشا شىعارۋعا تۋرا كەلەدى.

ايتا كەتكەن ءجون، مۇز ايدىنىنىڭ اشىلۋىنا بايلانىستى ەرتەڭگە دەيىن بارلىق كەلۋشىلەر ءۇشىن 50 پايىزدىق جەڭىلدىك قاراستىرىلعان.

اۆتور: ارمان اسقاروۆ