بوكس: دينا يسلامبەكوۆا الەم چەمپيوناتىنىڭ فينالىنا شىقتى

استانا. قازاقپارات - ءۇندىستاننىڭ گۋۆاحاتي قالاسىندا ءوتىپ جاتقان بوكستان جاس ءوسپىرىم قىزدار اراسىنداعى الەم چەمپيوناتىندا دينا يسلامبەكوۆا فينالعا شىقتى، دەپ حابارلايدى قازاقپارات ءتىلشىسى.

81 كەلى سالماقتا ەل نامىسىن قورعاپ جاتقان 17 جاستاعى ارۋىمىز جارتىلاي فينالدا جەرگىلىكتى بوكسشى نەحي ياداۆتى جارىس جولىنان تايدىردى.

اسا تارتىستى وتكەن ايقاستا تورەشىلەر ءبىراۋىزدان وتانداسىمىزدى 30-26, 30-26, 30-27, 30-27, 29-28 ەسەبىمەن جەڭىمپاز دەپ تاپتى.

ەندى يسلامبەكوۆا فينالدا رەسەيلىك كريستينا تكاچەۆامەن جۇدىرىقتاسادى.

تاعى ءبىر وتانداسىمىز 51 كەلى سالماقتا سىنعا تۇسكەن جانسايا ءابدرايموۆا جارتىلاي فينالدا ءۇندىستاندىق دجيوتيگە 1:4 ەسەبىمەن جول بەرىپ، قولا مەدال ەنشىلەدى.

ال بۇگىن جارتىلاي فينالدا جازيرا وراقبايەۆا (48 كەلى)، جانسايا بالتابەكوۆا (60 كەلى) جانە ارايلىم بەكدىلدا (81 كەلى) ونەر كورسەتەدى.

ەستەرىڭىزگە سالا كەتەيىك، اتالعان بايراقتى باسەكەدە ەلىمىزدىڭ نامىسىن قورعاۋ ءۇشىن 10 بىلعارى قولعاپ شەبەرى اتتانعان بولاتىن.

اۆتور: كۇنسۇلتان وتارباي