زاڭ بويىنشا اتامبايەۆ بيلىك باسىنان كەتكەننەن كەيىن قانداي مارتەبەگە يە بولادى؟

 قىرعىزستان اتا زاڭىنا سايكەس ەكس- پرەزيدەنت مارتەبەسىنە يە بولعان المازبەك اتامبايەۆ ءوزىنىڭ وكىلەتتىك مەرزىمىن اياقتاعاننان كەيىن، كونستيتۋتسيا بويىنشا قورعالاتىن بولادى.

 اتاپ ايتقاندا:

 1. اتامبايەۆتى جانە ونىڭ وتباسىن پرەزيدەنتتىك قىزمەتى كەزىندە ىستەگەن ىستەرى ءۇشىن قىلمىستىق جانە اكىمشىلىكتىك جاۋاپكەرشىلىككە تارتۋعا بولمايدى.

 2. اتامبايەۆتىڭ يەلىگىندەگى تۇرعىن ءۇي جانە قىزمەتتىك عيماراتتارعا، اۆتوكولىك پەن بايلانىس قۇرالدارىنا، جەكە مۇراعاتى مەن قۇجاتتارىنا قانداي دا ءبىر ازاماتتىڭ نەمەسە ۇيىمنىڭ قول سۇعۋىنا تىيىم سالىنادى.

 3. ەكس- پرەزيدەنتتىڭ وسى ۋاقىتقا دەيىن ىستەگەن ىستەرى ءۇشىن ونى تەرگەۋگە جانە ۇيىندە ءتىنتۋ جۇمىستارىن جۇرگىزۋگە زاڭ جۇزىندە تىيىم سالىنادى.

بۇدان بولەك اتامبايەۆتىڭ ءوزى جانە وتباسى ءومىرىنىڭ سوڭىنا دەيىن اۋەجايلار مەن ۆوكزالداردا رەسمي تۇلعالارعا ارنالعان زالداردى تەگىن پايدالانۋعا، تەگىن مەديتسينالىق قىزمەت الۋعا، پوچتا، تەلەگراف، بايلانىس قىزمەتىن تەگىن پايدالانۋعا قۇقىلى. جانە دە اتامبايەۆ قىزمەتىنەن كەتكەننەن كەيىن، وعان ەل ۇكىمەتى شەتەلدەرگە جاساعان ساپارلارى مەن وتباسىمەن شيپاجايلاردا دەمالۋىنا جانە كوممۋنالدىق قىزمەتىنە جىل سايىن بيۋدجەتتەن قارجى ءبولىپ تۇراتىن بولادى.

ەسداۋلەت قىزىربەك ۇلى

http://qazaqtimes.com