يتاليادا وسى ۋاقىتقا دەيىن ەل ەستىمەگەن ەرەكشە جەرلەۋ ءراسىمى ءوتتى
استانا. قازاقپارات - قازا بولعانداردى اقتىق ساپارعا مۇسىلمان عۇرپىمەن دە، حريستيان جورالعىسىمەن دە شىعارى. تارقاتىپ ايتقاندا، نيگەريانىڭ 26 جاس ازاماتى (ولاردىڭ اراسىندا 14 جاستاعى جاسوسپىرىمدەر دە بار) ليۆيادان ەۋروپاعا جەرورتا تەڭىزىن رەزەڭكە قايىقپەن ءجۇزىپ وتپەك بولعاندا سۋعا باتىپ، وپات بولدى.
قاراشا ايىنىڭ 3 -كۇنى قازا تاپقانداردىڭ ءمايىتىن يسپان قۇتقارۋشىلارى سۋدان شىعارىپ الدى. سونىمەن قاتار، تاعى باستارىن قاتەرگە تىككەن 64 جولاۋشى حابار-وشارسىز كەتكەن. تەك قازا تاپقانداردىڭ ەكەۋىن عانا تانۋ مۇمكىن بولدى. ول ەكەۋى دە جۇكتى ايەلدەر بولاتىن. نيگەريا بيلىگى بۇل قايعىلى وقيعانى ورنى تولماس قازا دەپ باعالادى.
قازا تاپقانداردىڭ قانداي ءدىندى ۇستاناتىنى تۋراسىندا مالىمەت بولماعاندىقتان ولاردى اقتىق ساپارعا مۇسىلمان عۇرپىمەن دە، حريستيانداردىڭ جورالعىسىمەن دە شىعارىپ سالدى. ياعني، باقيلىق بولعانداردىڭ جانازاسىن يماممەن قاتار سۆياشەننيك تە شىعارۋعا تۋرا كەلگەن.
ويتكەنى، نيگەريا حالقىنىڭ جارتىسى مۇسىلمان بولعانىمەن، قالعان جارتىسى حريستيان سەنىمىندە. بۇل جايىندا Daily Mail اقپارات كوزى حابار تاراتتى. ناقتىراق ايتقاندا، قازا تاپقان نيگەريالىقتاردىڭ جانازاسىن ارحيەپيسكوپ سالەرنو لۋيدجي مورەتتي مەن يمام ءابدىراحمان ەس- سبا شىعارعان.
