قازاقستاندىقتار بۇدان بىلاي عالامتوردا بۇركەنشىك اتپەن پىكىر قالدىرا المايدى
استانا. قازاقپارات - عالامتوردا پىكىر قالدىرۋ ءۇشىن ءوزىڭىز جايلى مالىمەت جازۋىڭىز كەرەك بولادى.
بۇدان بىلاي قازاقستاندىقتار جۇمباق كەيىپتە پىكىر جازا المايدى، دەپ حابارلايدى ك ت ك.
ب ا ق تۋرالى زاڭعا ەنگىزىلگەن وزگەرىستى ماجىلىستە ماقۇلداپ تا قويدى. ەگەر سەناتتاعىلار كەلىسسە، بۇدان بىلاي قازاقستاندىقتار تەك ءوزىن تانىستىرا وتىرىپ پىكىر جازاتىن بولادى.
پىكىر جازۋ ءۇشىن ەلەكتروندى ساندىق قول قويۋ ۇلگىسىن الۋ نەمەسە ءبىرىڭعاي پارول الۋ ءۇشىن كەلتە-حابارلاما جىبەرۋ كەرەك.
پىكىر جازعاندا ءوز اتىڭىزدى نە ويدان قۇراعان ەسىمدى جازا الاسىز. ءبىراق قانداي جاعداي بولماسىن تەلەفون ءنومىرى ارقىلى ءسىز جايلى اقپارات بەلگىلى بولادى. مينيسترلىكتەگىلەر انونيم تۇردە جازۋدىڭ قاۋىپسىزدىك ءارى ەلدەگى ءتارتىپ ءۇشىن كەرەك ەكەنىن ايتتى.
