قانات يسلام كەلەسى كەزدەسۋىن بريتاندىق كيلرەين كەلليگە قارسى وتكىزۋى مۇمكىن
«مەنىڭ كوماندام قازىر دەننيس حوگان، ليام سميت جانە قانات يسلام سەكىلدى بوكسشىمەن كەلىسسوز جۇرگىزىپ جاتىر. قازىر ولار مەن ءۇشىن قولايلى مۇمكىندىكتى قاراستىرۋدا. مەن كەز-كەلگەن بوكسشىمەن كەزدەسۋگە دايىنمىن. مەنىڭ باستى ماقساتىم - الداعى ۋاقىتتا بوس قالاتىن WBO بەلبەۋى ءۇشىن جەكپە-جەك وتكىزۋ. جوعارىدا ءۇش بوكسشىمەن كەزدەسۋ مەن ءۇشىن ماڭىزدى بولماق. ەڭ ءبىرىنشى قانات يسلاممەن كەزدەسكىم كەلەدى. ول وتە مىقتى بوكسشى. سوققىلارى جويقىن، تاجىريبەسى مول. قازاقستاننىڭ ماڭدايالدى بوكسشىلارىنىڭ ءبىرى.
مەنىڭ ويىمشا، مەن يسلامدى جەڭە الامىن. ەگەر كەلىسىمگە كەلىپ جاتساق، مەن جەكپە-جەككە دايىنمىن. بارلىعىن مەنىڭ مەنەدجەرلەرىم شەشەدى. قاجەت بولسا مەن قازاقستانعا دا بارۋعا دايىنمىن»، - دەيدى كيلرەين.
قازىرگى ۋاقىتتا 25 جاستاعى بريتاندىق بوكسشى WBO رەيتينگىندە التىنشى ورىنعا جايعاسقان. ول كاسىپقوي بوكس شارشى الاڭىندا 24 كەزدەسۋ وتكىزىپ، 23 رەت جەڭىسكە جەتكەن. 9 رەت ول قارسىلاستارىن نوكاۋتقا تۇسىرگەن. كارەراسىنداعى جالعىز جەڭىلىستى كيلرەين 2015-جىلى ءبىرىنشى ورتا سالماقتاعى WBO بەلبەۋى ءۇشىن ليام سميتكە (26-1-1, 14 ك و) قارسى وتكەن كەزدەسۋدە تاپتى.
ال قانات يسلام بولسا قازىر WBA رەيتينگىندى ءبىرىنشى ورىندا. سونىمەن قاتار WBO جانە IBF رەيتينگتەرىندە ۇزدىك ۇشتىكتىڭ قاتارىندا. وتانداسىمىز ءبىرىنشى ورتا سالماقتاعى WBO NABO جانە WBA Inter- Continental بەلبەۋلەرىنىڭ يەگەرى. سوڭعى كەزدەسۋىن ول 9- قىركۇيەك كۇنى استانا قالاسىندا وتكىزىپ، كانادالىق برەندون كۋكتان (18-1, 11 ك و) ۇستەم ءتۇستى.