ماسكەۋدە قازاق ءتىلى وليمپياداسىنىڭ جەڭىمپازدارى ماراپاتتالدى - فوتو

اقتىق سىنعا شىققانداردىڭ قاتارىندا موڭعوليا، ماسكەۋ جانە رەسەيدىڭ تۇكپىر-تۇكپىرىندە تۇرىپ جاتقان قازاق دياسپوراسىنىڭ وكىلدەرى، قازاق ءتىلىن ۇيرەنىپ جۇرگەن رەسەيلىكتەر قاتىستى.

شارا «رۋحاني جاڭعىرۋ» باعدارلاماسى مەن قازاقستان رەسپۋبليكاسى مەن رەسەي فەدەراتسياسىنىڭ اراسىندا ديپلوماتيالىق قارىم-قاتىناستىڭ ورناعانىنا 25 جىل تولۋى اياسىندا ءوتتى.

وليمپيادانى رەسەي وڭىرلەرىندەگى قازاق ۇلتتىق-مادەني بىرلەستىكتەرىنىڭ، سونداي-اق ق ر ۇلتتىق كىتاپحاناسى مەن ق ر مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق ساياسي جۇمىستار كوميتەتىنىڭ قولداۋىمەن ر ف- داعى ق ر ەلشىلىگى مەن كونسۋلدىق ۇيىمدار ۇيىمداستىردى.

ەسكە سالا كەتەيىك، ىرىكتەۋ كەزەڭىندە ماسكەۋ، سانكت-پەتەربۋرگ، استراحان، ومبى، قازان سىندى ق ر كونسۋلدىق وكرۋگتەرىندە تورەشىلەر شىن مىقتىلاردى انىقتاعان بولاتىن.

فينالدا اۋىزشا، جازباشا جانە شىعارماشىلىق بايقاۋلاردىڭ قورىتىندىسى بويىنشا ر ف- داعى ق ر ەلشىلىگىنىڭ ديپلوماتتارى، م م ۋ لينگۆيستەرى مەن قازاق ءتىلىنىڭ مۇعالىمدەرى، ماسكەۋدەگى قازاق دياسپوراسىنىڭ وكىلدەرىنەن قۇرالعان قازىلار القاسى جەڭىمپازداردى انىقتادى.

وسىلايشا ءبىرىنشى ورىندى قازاق دياسپوراسى جانە قازاق ءتىلى انا ءتىلى بولىپ تابىلاتىن قاتىسۋشىلاردىڭ ىشىنەن ايتولقىن ۇركەل (موڭعوليا) جەڭىپ الدى.

ەكىنشى ورىندى ماسكەۋلىك جاننا نۇرساپاروۆا يەلەندى. ءۇشىنشى ورىندا - ءجاميليا حودجانوۆا (ماسكەۋ). رەسەيلىك قاتىسۋشىلار ىشىنەن ءبىرىنشى ورىندى ارينا بابكوۆا مەن ماريا سەمينا جەڭىپ الدى.

ەكىنشى ورىندى كسەنيا مەديانكينا مەن تاتيانا سەمەنوۆا يەلەندى. الەكساندر گوجا مەن سەدا سارگسيان - ءۇشىنشى ورىندا.

شىعارماشىلىق كونكۋرستا تۇمەننەن ماسكەۋگە وسى وليمپياداعا قاتىسۋ ءۇشىن ارنايى كەلگەن 15 جاسار ازيزا اۋعاليەۆا جەڭىسكە جەتتى.

ەكىنشى ورىندا - سەدا سارگسيان، تاتيانا سەمەنوۆا - ءۇشىنشى. قازىلار القاسى، سونداي-اق، سايىستىڭ ەڭ جاس قاتىسۋشىلارىن دا ەلەپ- ەسكەرە كەتتى: ءاريداش ناۋكەنوۆا (ماسكەۋ)، ايدىن جەكسەمباي (ماسكەۋ)، ادىلەت ۋسەنوۆ (نوريلسك).