الماتى زووباعىندا جاسالعان ەرەكشە فوتولار اڭدار ءومىرىن كورسەتتى - فوتو
فوتوگراف ميحايل سوروكوۋموۆ 2012 -جىلدىڭ اياعىندا الماتى زووباعىنا باسپا ءسوز حاتشىسى رەتىندە جۇمىسقا شاقىرىلعان.
زووباقتاعى قىزمەتى كەزىندە ميحايل سوروكوۋموۆ كوپتەگەن جانۋارلارمەن، سونىڭ ىشىندە جىرتقىش اڭدارمەن دوستاسىپ كەتكەن. ءوزىنىڭ ايتۋىنشا، جانۋارلار ونى كۇن سايىن تاعاتسىزدانا كۇتەتىن. سونىڭ ارقاسىندا فوتوگرافتىڭ سۋرەتتەر توپتاماسىندا زووباق مەكەندەۋشىلەرىنىڭ ومىرىنەن تۇسىرىلگەن ەرەكشە سۋرەتتەر پايدا بولعان. ماسەلەن، كۋبا قولتىراۋىنىنىڭ تاماقتانۋى، پىلگە ارنالعان پەديكيۋر، ورمەكشىلەر جانە تاعى باسقالارى.
ميحايل سوروكوۋموۆ جانۋارلارمەن ۇنەمى جاقسى قارىم- قاتىناستا بولعانىن ايتادى. الايدا ولاردىڭ كەيبىرىنىڭ تورىنا وعان كىرۋگە تىيىم سالىنعان.
«بۇرىن توميريس شيمپانزەنىڭ تورىنا كىرە بەرەتىنمىن، ول مەنى كورسە قۋاناتىن. الايدا، وعان شيمپانزەنىڭ اتالىعى اكەلىنگەلى بەرى قاۋىپسىزدىك ءۇشىن مەنى تورعا كىرگىزبەي تاستادى. ول مەنى كورگەندە تولقىپ، قىزعانشاق سەرىگىنەن جازاسىن الۋى مۇمكىن ەدى»، - دەيدى ميحايل سوروكوۋموۆ.
