قازاقستاندىق كلۋبتاردىڭ ەكس- فۋتبولشىسى ماتچ كەزىندە كوز جۇمدى
استانا. قازاقپارات - قازاقستاندىق كلۋبتاردىڭ ەكس- فۋتبولشىسى ماتچ كەزىندە كوز جۇمدى، دەپ حابارلايدى Sports.kz.
ورىنبور فۋتبول كلۋبىنىڭ بۇرىنعى ويىنشىسى يگور چۋمەيكو 64 جاسىندا كوز جۇمدى. ول كەزىندە قازاقستاندىق «قاراشاعان» جانە «فەررو» (ەكى كلۋبتا قازىر جۇمىس ىستەمەيدى) ويناعان بولاتىن.
16 -قاراشا كۇنى يگور چۋمەيكو اۋەسقوي ماتچتا ءوزىن ناشار سەزىنىپ، كەنەتتەن كوز جۇمعان. فۋتبولشى كاسىبي دەڭگەيدە 300 ماتچ وتكىزگەن.
