پاۆلودارلىق ۇستازدار ونلاين-رەجىمىندە قازاق ءتىلىن جاڭا فورماتتا وقىتۋمەن تانىستى
بۇل تۋرالى وبلىستىق تىلدەردى دامىتۋ جونىندەگى باسقارماسىنىڭ باس مامانى داۋلەت تەمىربولات ايتتى.
«بيىلعى جىلى وتكىزىلگەن سوڭعى ونلاين سەمينارعا وڭىردەگى 200 دەن اسام مۇعالىم، سونداي-اق، جوعارى وقۋ ورىندارىنىڭ عالىمدارى، ءتىل ماماندارى قاتىستى»، - دەيدى داۋلەت تەمىربولات.
«مۇنداعى باستى ماقسات - ونلاين رەجىمى ارقىلى قاشىقتان قول جەتكىزۋ مۇمكىندىگىن پايدالانا وتىرىپ قازاق ءتىلى وقىتۋشىلارىنىڭ بىلىكتىلىگىن ارتتىرۋ. 2018-جىلدىڭ جوسپارىنا ونلاين سەمينارلار سانىن ارتتىرۋدى كوزدەپ وتىرمىز».
قازاق ءتىلى وقىتۋشىلارىن مەملەكەتتىك ءتىلدى وقىتۋ كەزىندە قولدانىلاتىن ادىستەمەلەر جانە جاڭا تەحنولوگيالارمەن فيلولوگيا عىلىمدارىنىڭ كانديداتى، پروفەسسور ايمان زەينۋللينا تانىستىردى.
سونداي-اق، ول قازاق ەلىنىڭ لاتىن الىپبيىنە كوشۋ تاريحىنا توقتالىپ ءوتتى. - VI- VII عاسىرلاردا رۋنا جازۋلارى پايدالانىلدى. يسلام ءدىنى كەلىسىمەن اراب ورمە جازۋى 1929-جىلعا دەيىن قولدانىلدى.
1926-جىلى اقپاندا لاتىن جازۋىنا اۋىسىپ، لاتىن ءالىپبيى 1929-1940-جىلدار ارالىعىندا رەسمي تۇردە قولدانىلعان بولاتىن. الايدا 1940-جىلدان باستاپ كيريلليتسا جازۋىنا كوشىرىلدى. اباي قۇنانبايەۆتان باستاپ بۇكىل الاش زيالىلارى مەن قازاق اقىندارى جانە جازۋشىلار شىعارمالارى لاتىن جازۋىندا باسىلىپ شىققانىن ەستەن شىعارماعان ءجون، - دەيدى پروفەسسور.
