ەلوردا تۇرعىندارى از قامتىلعان وتباسىلارعا كومەك بەرۋدە

استانا. قازاقپارات - الەۋمەتتىك جاعىنان از قامتىلعان وتباسىلارعا كومەك كورسەتۋ ماقساتىندا «سارىارقا» اۋدانىنىڭ اكىمدىگى «راحمەت-سپاسيبو» قايىرىمدىلىق دۇكەنىمەن بىرلەسىپ قايىرىمدىلىق اكسياسىن جۇرگىزۋدە، دەپ حابارلايدى ەلوردا اكىمدىگىنىڭ مەديا ورتالىعى.

اكسيا اياسىندا قالانىڭ ءو ا د، «راحمەت» س و و، «استىقجان» س و سياقتى ءىرى ساۋدا ورتالىقتارىندا كيىمدەردى قابىلدايتىن ارنايى بوكستار ورناتىلدى.

كومەككە مۇقتاج وتباسىلارعا دەمەۋ بولۋدى قالاعان كەز كەلگەن ادام كيىمدەردى، اياق كيىمدەردى، پايدالى دا قىزىقتى كىتاپتاردى، ءتۇرلى اكسەسۋارلاردى وسى بوكستارعا سالا الادى.

جينالعان كيىمدەر مەن زاتتار بەلگىلى ءبىر ۋاقىت ىشىندە قالاداعى تۇرمىسى تومەن وتباسىلارعا تاراتىلاتىن بولادى.

«قوعامنىڭ الەۋمەتتىك پروبلەمالارىنا بەي- جاي قارامايتىن بارلىق تۇرعىنداردى قايىرىمدىلىق اكسياسىنا قاتىسۋعا شاقىرامىز»، - دەپ جازىلعان تاراتىلعان حابارلامادا.

اتاپ ءوتۋ كەرەك، جەكە تۇتىنۋ زاتتارىن، ىدىس-اياق پەن تۇرمىستىق تەحنيكانى، ويىنشىقتاردى، ازىق-تۇلىك تاۋارلارىن، ءدارى-دارمەكتەردى بوكستارعا سالۋ تىيىم سالىنادى.