پۋتين، ەردوعان مەن رۋحاني استاناداعى ۋاعدالاستىقتار اياسىندا سوچيدە باس قوسادى

بۇل تۋرالى تۇركيا باسشىسىنىڭ باسپا ءسوز حاتشىسى يبراگيم كالىن ءمالىم ەتتى، دەپ حابارلايدى انادولۋ اگەنتتىگى.

كالىننىڭ ايتۋىنشا، 22- قاراشا كۇنى وتەتىن ءۇشجاقتى كەزدەسۋدە تۇركيا، رەسەي جانە يران پرەزيدەنتتەرى استانادا قول جەتكىزىلگەن كەلىسىمدەر اياسىندا سيريادا زورلىق-زومبىلىقتى ازايتۋ بويىنشا قادامداردى قاراستىراتىن بولادى.

سونداي-اق دەسكالاتسيا ايماقتارىنداعى ماسەلە ءسوز بولادى.

«ونىمەن قوسا، مەملەكەت باسشىلارى سيرياعا گۋمانيتارلىق كومەك جەتكىزۋ ماسەلەلەرىن، سونداي-اق كەپىلگەر ەلدەردىڭ ب ۇ ۇ قاۋىپسىزدىك كەڭەسىنىڭ 2254№  قارارىنا سايكەس سيرياداعى احۋالدى ساياسي رەتتەۋ بويىنشا جەنيەۆالىق پروتسەسكە قوسۋى مۇمكىن ۇلەستەرىن تالقىلايتىن بولادى»، - دەپ اتاپ ءوتتى كالىن.