ارميانى زامانعا ساي جاراقتاندىرۋ ءۇشىن زاڭعا تۇزەتۋلەر ەنگىزۋ قاجەت - نازاربايەۆا
دەپ حابارلايدى قازاقپارات پالاتانىڭ باسپا ءسوز قىزمەتىنە سىلتەمە جاساپ.
كوشپەلى وتىرىس بارىسىندا اسكەري دوكترينانى، سونداي- اق ق ر قارۋلى كۇشتەرىنىڭ، وزگە اسكەرلەر مەن اسكەري قۇرىلىمداردىڭ قۇرىلىسى مەن ولاردى دامىتۋ تۇجىرىمداماسىن جۇزەگە اسىرۋ ماسەلەلەرى تالقىلاندى.
شاراعا سەنات دەپۋتاتتارى، قورعانىس مينيسترلىگىنىڭ، ۇلتتىق قاۋىپسىزدىك كوميتەتى شەكارا قىزمەتىنىڭ، ءى ءى م ۇلتتىق ۇلانىنىڭ باسشىلىعى قاتىستى.
د. نازاربايەۆا ەلدىڭ قورعانىس قابىلەتىن جانە قاۋىپسىزدىگىن قامتاماسىز ەتۋ ماسەلەلەرىنىڭ ماڭىزدىلىعىن اتاپ ءوتتى.
«قارۋلى كۇشتەر ەلىمىز حالقى تاۋەلسىزدىگىنىڭ كەپىلى بولىپ تابىلادى»، - دەدى سەناتور سىرتقى قاۋىپتەردىڭ الدىن الۋ جانە جويۋدا ارميانىڭ ارتىپ وتىرعان ءرولىن ايتا كەلە.
وتىرىستا قارۋلى كۇشتەرى باس شتابى باستىعىنىڭ ءبىرىنشى ورىنباسارى گەنەرال- مايور رۋسلان شپەكبايەۆتىڭ اسكەري دوكتريناعا قاتىستى بايانداماسى تىڭدالدى. ول دوكتريناعا العاش رەت - كۇرەستىڭ «گيبريدتى» ادىستەرى، «اسكەري ەمەس قۇرالدار»، «ىشكى قارۋلى قاقتىعىس» ۇعىمدارى مەن انىقتامالارى ەنگىزىلگەنىن جەتكىزدى. سونىمەن قاتار قۇجاتتا ق ر قارۋلى كۇشتەرىن، وزگە اسكەرلەر مەن اسكەري قۇرالىمداردى قولدانۋدىڭ ءتارتىبى ناقتىلانعان. بۇدان وزگە كيبەر قاۋىپسىزدىك شارالارىن كۇشەيتۋ، جالپى اسكەري قاۋىپسىزدىكتى قامتاماسىز ەتۋ جۇيەسىنە اۋماقتىق قورعانىستى ينتەگراتسيالاۋ، ماتەريالدىق- تەحنيكالىق قامتاماسىز ەتۋ جۇيەسىن دامىتۋ، قازاقستاننىڭ بەيبىتشىلىكتى قولداۋ شارالارىنا قاتىسۋىن كەڭەيتۋ، مەملەكەتتىڭ اسكەري ۇيىمداردى باسقارۋ جۇيەسىن دامىتۋ ءتارتىبى ناقتى كورسەتىلگەن.
«ءبىزدىڭ بىرلەسكەن جان- جاقتى جۇمىسىمىز ارميانى قاجەتتى، زاماناۋي قارۋ- جاراقپەن جانە اسكەري تەحنيكامەن جاقىن ارادا جابدىقتاۋ ماسەلەلەرىن شەشۋگە مۇمكىندىك بەرەدى. ول ءۇشىن قورعانىس تۋرالى زاڭعا ءتيىستى تۇزەتۋلەر ەنگىزۋ قاجەت جانە بۇل مۇددەلى مەملەكەتتىك ورگاندارمەن جۇمىس جاساۋدى تالاپ ەتەدى»، - دەپ اتاپ ءوتتى حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ءتوراعاسى داريعا نازاربايەۆا.
