نيۋ- يوركتىڭ ۇزدىك پوليتسەيى ديماش نيازوۆ كاسىپقوي بوكستاعى كەزەكتى جەڭىسىنە قول جەتكىزدى

استانا. قازاقپارات - قازاقستاندىق جەڭىل سالماقتاعى بوكسشى ديماش نيازوۆ (12-0-3, 5 ك و) يۋنيوندەيلدەگى دەنيەل دجەيكوبس (32-2, 29 ك و) - لۋيس ارياس (18-0, 9 ك و) بوكس كەشىندە ونەر كورسەتتى،

دەپ حابارلايدى Sports.kz.

وعان بۇل جولى امەريكالىق اگۋستين ماۋراس (6-3-3, 3 ك و) قارسىلاس بولدى. التى راۋندتىق جەكپە- جەك بەسىنشى راۋندتا نيازوۆتىڭ قارسىلاسىن تەحنيكالىق نوكاۋتقا جىبەرۋىمەن اياقتالدى. بۇل ديماشتىڭ كاسىپقوي بوكستاعى ون ءۇشىنشى جەڭىسى بولدى. ونىڭ ۇستىنە وتانداسىمىز ءالى جەڭىلىس نە ەكەنىن بىلمەي كەلەدى. ال ماۋراس ءوز كارەراسىندا ءتورتىنشى رەت ساتسىزدىككە ۇشىرادى.