عالىمداردىڭ پىكىرىنشە، مىسىقتار بالالاردىڭ دەمىكپە اۋرۋىنا شالدىعۋىنىڭ الدىن الادى

ۇيدە مىسىق اسىراۋ جاڭا تۋىلعان نارەستەنىڭ دەمىكپە دەرتىنە شالدىعۋىنىڭ الدىن الادى. كوپەنگاگەندىك بالالار دەمىكپەسىن زەرتتەۋ ورتالىعىنىڭ عالىمدارى اتالعان تۇجىرىمدى العا تارتتى. Journal of Allergy and Clinical Immunology باسىلىم زەرتتەۋ جۇمىسىن جاريالادى.

ماماندار دەمىكپە دەرتىنە شالدىعۋ قاۋپى بار 377 بالانى زەرتتەگەن. ولاردىڭ بايقاۋىنشا، بالالار مەن مىسىقتار ءبىر جەردە مەكەندەگەندە، بالا ورگانيزمىندەگى اۋرۋدىڭ اسقىنۋىنا «جاۋاپتى» ت ت- گەنوتيپ ءتۇرىنىڭ بەلسەندىلىگى تومەندەگەن. مۇنداي تاجىريبەگە ءيتتى دە قاتىستىرىپ كورگەن. الايدا ونىڭ بالا ورگانيزمىنە ىقپالى بايقالماعان.

اتالعان زەرتتەۋ جۇمىسىنا جاۋاپتى عالىم ياكوب ستوكحولم بۇل قۇبىلىستىڭ مىسىقتاعى زەڭ نەمەسە باكتەريالارمەن بايلانىستى بولۋى مۇمكىن ەكەندىگىن ايتادى. سونىمەن قاتار مىسىقتارمەن ۇيگە ەنەتىن ۆيرۋستاردىڭ اسەرى بولۋى دا ىقتيمال. الايدا ادام گەنى مەن مىسىقتىڭ اراسىندا قانداي بايلانىس بارى ءالى تولىق انىقتالمادى.

Stan.kz