ساكەن مايعازيەۆتىڭ جارى: دۇڭگىرشەكتە نان ساتىپ وتىرىپ ساكەن ەرتەرەك اتاقتى ءانشى بولسا ەكەن دەپ ارماندايتىنمىن
ال، جەتىستىككە جەتىپ، تانىمالدىلىققا يە بولعان «مۋزارت» توبىنىڭ انشىسىنە ءدال وسى تەكتەس ساۋالدار ءجيى جولدانادى ەكەن. Stan.kz تىلشىسىنە ەكسكليۋزيۆتى سۇحبات بەرگەن ساكەن مەن جۇبايى دينارا بار سىرىن اقتارۋعا ءازىر.
ساكەن مايعازيەۆتىڭ سوزىنشە ءار نارسەنىڭ ەڭبەكپەن كەلەتىنىن بۇگىنگى جاستار ساناسىنا سىڭىرسە دەيدى. ءانشى العاش الماتىعا كەلگەن ساتتە، مارات وماروۆتىڭ جانىندا ءجۇرىپ، تاجىريبە جيناعانىن ايتادى.
«الماتىعا 1992- جىلى كەلدىم. سوندا مارات وماروۆ اعامىزدىڭ ءبىر جىلداي قاسىندا ءجۇردىم. سول كەزدە مارات اعاما قاراپ قىزىعاتىنمىن. شىركىن- اي، وسى كىسى سياقتى مىنا تەلەارنادان شىعىپ، انا راديوعا كىرىپ، راديودان شىعىپ، مىندا بارىپ قولىم بوساماي جۇرەتىن كەزىم بولا ما ەكەن دەپ ارماندايتىنمىن» ، - دەيدى «مۋزارتتىڭ» ءانشىسى
اتاعى دۇركىرەپ تۇرعان سازگەر وماروۆ «مۋزارتتىق» انشىگە قول ۇشىن بەرۋدەن ايانىپ قالماعان. مارات مىرزانىڭ كومەكشىسى قىزمەتىن اتقارعان ساكەن بىرنەشە جىلدان كەيىن رەسپۋبليكالىق ءان دودالارىنا قاتىسا باستايدى.
«مەن 1997- جىلى «جاس قانات» بايقاۋىنا قاتىستىم. ول كەزدە قۇرماش ماحانوۆ، گاۋحار قاسپاقوۆا دا قاتىسقان بولاتىن. كوپتەگەن تانىمال انشىلەرمەن بىرگە قاتىستىم، باقىتتىمىن سول كەزدەگى سەن تۇر، مەن اتايىن دەگەن ونەرپازدار قاتىسقانىما. ءبىراق، «كورەرمەن كوزايىم» دەگەن اتقا يە بولدىم. سودان كەيىن سول جىلى ۇيلەندىك» ، - دەيدى ساكەن مايعازيەۆ.
ءانشى قۇرماشتىڭ تانىمالدىلىعى اسپانداپ تۇرعان تۇستا، ساكەن مەن دينارا شاڭىراق كوتەرىپ، وتباسىلىق ءومىردىڭ تاۋقىمەتىن تارتادى. ءتىپتى، جاس جۇبايلار شاعىن دۇڭگىرشەكتە نان ساتقان. «جاس قانات» بايقاۋىندا بىرگە باق سىناعان قۇرماش ماحانوۆتىڭ ناعىز جۇلدىزدى شاعى بولسا كەرەك، جانۇياسىن اسىراۋعا بەلسەنە كىرىسكەن مايعازيەۆ ءوزىن تالاي مارتە جايسىز سەزىنگەن.
«ءالى كۇنگە دەيىن ەسىمدە «جاس قاناتقا» قاتىسىپ، قۇرماش ماحانوۆ ول كەزدە اتاقتى ءانشى بولاتىن. كونسەرتتىك كاستيۋمىن كوتەرىپ كەتىپ بارا جاتاتىن. ساكەن مەنىمەن بىرگە دۇڭگىرشەكتە وتىراتىن. سول كەزدە ساكەن قىسىلىپ، ۇيالاتىن. سول كىسىگە قىزىعىپ وتىراتىنبىز. ساكەندە قاشان وسىلاي جۇرەدى ەكەن، كونسەرتتەرگە اسىعىپ قاشان وسىلاي كەتىپ بارا جاتادى ەكەن دەپ ارماندايتىنبىز» ، - دەيدى ساكەننىڭ جۇبايى دينارا.
سونداي- اق، 22 جاسىندا وتاعاسى اتانعان ساكەن جۇبايى مەن ۇلى ءۇشىن كىرپىش زاۋىتىندا جۇمىس ىستەگەن، مەيرامحانادا ءان سالىپ، كۇزەتشىنىڭ قىزمەتىن اتقارعان ساتتەردى ەشقاشان ەستەن شىعارمايدى. بۇگىندە مايعازيەۆ ايگىلى ءانشى اتانسا دا، اللاعا سانسىز شۇكىرلىكتەر ايتىپ، وتكەن ءومىرىن ۇمىتپاق ەمەس.
