تاريحتا العاش رەت: قازاق جىگىتى يتالياداعى ونەر اكادەمياسىنا وقۋعا ءتۇستى

 نەبارى 18 جاستاعى قازاقستان ازاماتىنا بەدەلدى وقۋ ورنىندا ءبىلىم الۋ مۇمكىندىگى تۋدى.

بۇل تۋرالى Tengrinews.kz حابارلادى.

«ارينە، باقىتتىمىن. جاڭا بەلەسكە دايىن ەكەنىمدى سەزىپ تۇرمىن. مەن ءۇشىن ەڭ باستىسى - سانتا- چەچيليا اكادەمياسىنىڭ وقۋعا قابىلداپ، ماعان سەنىم ارتقانى. بۇل كوكتەن بەرىلگەن سىي. قازاقستان ناعىز تاۋەلسىز ەلگە اينالدى جانە ءبىزدىڭ جاستارىمىز الەمنىڭ ەڭ ۇزدىك ۋنيۆەرسيتەتتەرىنە تۇسە الادى"، - دەپ اتاپ ءوتتى راحات- بي.

قازاقستاندىق جىگىت الدىمەن يتالياداعى وقۋ ورنىنا ءوز ەڭبەكتەرىن جىبەرگەن. وقۋ ورنى كەلىپ تۇسكەن وتىنىمدەردىڭ ىشىنەن 14 جاندى ىرىكتەپ العان. ولاردىڭ 13 ءى يتاليالىق ازاماتتار بولسا، بىرەۋى ءبىزدىڭ راحات- بي.

 «ءارى ەڭ جاسى مەنمىن. قالعاندارىنىڭ جاسى 25-35 ارالىعىندا، كوپشىلىگى جۇمىس ىستەيدى"، - دەپ اتاپ ءوتتى قازاقستاندىق جىگىت.

ايتا كەتەيىك، راحات- بي نەبارى 13 جاسىندا جوعارى وقۋ ورنىنا ءتۇسىپ، 18 جاسىندا ماگيستراتۋرا بىتىرگەن ەلىمىزدەگى دارىندى جىگىتتەردىڭ بىرەگەيى.