قوستاناي وبلىسىندا بالا شوقانعا ەسكەرتكىش ورناتىلدى
بۇل اقپاراتتى سارىكولدىك تۇرعىندار الەۋمەتتىك جەلىلەردە تاراتتى. تاس ءمۇسىن سارىكول اۋدانىنىڭ كۇنتيمەس اۋىلىندا ۇلى تۇلعانىڭ تۋعان كۇنى قارساڭىندا اشىلدى. باستاماشىلار - وسى اۋىلدىڭ ازاماتتارى.
«ءبىز جاس شوقاننىڭ ەسكەرتكىشىن ورناتۋدى شەشتىك. ويتكەنى، ول جاس جاعىندا وسى كۇنتيمەس اۋىلىندا ءومىر سۇرگەن. بۇل يدەيامىز كوپ جىلدان سوڭ ىسكە اسىپ وتىر. جاس شوقاننىڭ ەسكەرتكىشى ەل بويىنشا وتە از، جوققا ءتان دەپ ايتۋعا بولادى. مۇندا شوقان اتامىزدىڭ كادەتتە وقىپ جۇرگەندەگى كەزى بەينەلەنگەن»، - دەيدى ولكەتانۋشى ەدىلباي احمەتوۆ.
ەسكەرتكىش سالۋ باستاماسى بيىل وتكەن يدەيا جارمەڭكەسىندە مۇمكىن بولدى. اۋىل ازاماتتارى جارمەڭكەدە جارتى ميلليون تەڭگەنىڭ گرانتىن ۇتىپ الدى. ءمۇسىننىڭ اۆتورى - ەگور كيسليسين.
