كوكشەتاۋ سۋ ارناسى يننوۆاتسيالىق ادىسپەن «جاسىل» ەنەرگيا ءوندىرۋدى قولعا الماق
بۇل تۋرالى كاسىپورىن باسشىسى زەينۇر الىبەكوۆ ايتتى، دەپ حابارلايدى قازاقپارات ءتىلشىسى. كاسىپورىن باسشىسىنىڭ سوزىنشە، سۋ تۋربيناسى نەگىزىندەگى شاعىن سۋ ەلەكتر ستانتسياسىنىڭ يننوۆاتسيالىق كونسترۋكتسياسىن جاساۋ ارقىلى «جاسىل» ەنەرگيانىڭ اۆتونومدىق جانە جۇيەلىك ءوندىرىسى جۇزەگە اسىرىلماقشى. كاسىپورىنىڭ ءوز قاجەتتىلىكتەرىن وتەيتىن دەربەس ەلەكتر ەنەرگياسىن ءوندىرۋ تاريفتەردىڭ وسۋىنە توسقاۋىل بولماق. جاقىندا جوبا يەلەرىمەن كەزدەسۋ جوسپارلانىپ وتىر.
«ەكسپو-2017» كورمەسىندە كوپتەگەن يننوۆاتسيالىق جوبالار ۇسىنىلدى. بۇل جوبالاردىڭ 5-ۋىن ءبىزدىڭ اقمولا وبلىسىندا جۇزەگە اسىرۋ قاراستىرىلىپ وتىر. سونىڭ ءبىرى، يننوۆاتسيالىق جولمەن سۋ قۇبىرىن تازالاۋ ستانساسىندا تۋربوگەنەراتور ورناتىپ، ءوز قاجەتىلىكتەرىمىزدى وتەيتىن ەلەكتر قۋاتىن ءوندىرۋ. ازىرگە، ناقتى قانداي جوبانى جۇزەگە اسىراتىنىمىز بەلگىسىز. ءبىزدى «ەكسپو-2017» كورمەسىندە ۇسىنىلعان شۆەتسيالىق فيرمانىڭ 40 كيلوۆاتتان 250 مەگاۆاتقا دەيىن ەلەكتر ەنەرگياسىن ءوندىرۋ جوباسى قىزىقتىردى. ءبىراق ءبىزدىڭ سۋ شىعىنىمىز 21000 تەكشە مەتردى قۇرايدى، ال، شۆەدتىكتەردىكى 50000-100000 مەتر سۋ شىعىنىن تالاپ ەتەدى. سول سەبەپتى، بۇل جوبا ءالى دە پىسىقتالۋدا. ەگەر دە، الداعى ۋاقىتتا ءبىزدىڭ تالاپتارعا ساي كەلىپ جاتقان جوبا بولىپ جاتسا جۇزەگە اسىرۋعا دايىنبىز» ، دەدى كاسىپورىن باسشىسى زەينۇر الىبەكوۆ.
سونىمەن قاتار، كاسىپورىن باسشىسى ەۋروپالىق قايتا قۇرۋ جانە دامۋ بانكىنىڭ دە كوكشەتاۋ قالاسىنىڭ كوممۋنالدىق نىساندارىنا قارجى قۇيۋعا قۇلشىنىپ وتىرعانىن اتاپ ءوتتى. ونىڭ ىشىندە كوكشەتاۋ قالاسىن سۋمەن جابدىقتاۋ جوباسىن پيلوتتىق جوبا رەتىندە جۇزەگە اسىرىلۋ قاراستىرىلعان. بۇل جوبا دا ءدال قازىرگى كەزدە پىسىقتالۋ ۇستىندە. ەسكە سالا كەتەيىك، «كوكشەتاۋ سۋ ارناسى» كوممۋنالدىق كاسىپورىنى 2016-2020 -جىلدارعا ارنالعان ۇزاق مەرزىمدىك ينۆەستيتسيالىق جوباسىن جۇزەگە اسىرۋدا. جوبا شەڭبەرىندە 2016 -جىلى سۋمەن قامتاماسىز ەتۋ جانە سۋ اعىزۋ بويىنشا 102,8 ميلليون تەڭگەنىڭ ينۆەستيتسيالىق شارالارى ورىندالدى. ونىڭ ىشىندە 12,1 شاقىرىم كۆارتالىشىلىك سۋ قۇبىرلارى مەن كارىز جۇيەلەرى اۋىستىرىلدى. وعان قوسا، سۋ تازالاۋ ستانساسىندا كۆارتس قۇمى سالىنعان جانە مەتالل كونسترۋكتسياسىمەن بىرگە 3 سۇزگىشكە كۇردەلى جوندەۋ جۇمىستارى جۇرگىزىلدى. كاسىپورىن كوكشەتاۋ قالاسىمەن بىرگە، كراسنويار جانە ستانتسيوننىي كەنتتەرى اۋىز سۋمەن قاتاماسىز ەتەدى.
سۋ كوزى كوكشەتاۋ سۋ قۇبىرى جانە شاعالالى سۋ قويماسى ارقىلى الىنادى. سوندىقتان تۇتىنۋشىلاردى ساپالى اۋىز سۋمەن قامتامسىز ەتۋ ماقساتىندا شاعالالى سۋ قويماسىنان الىناتىن سۋ سۇزگىش ستانساسىندا تازارتىلادى. وعان قوسا، كاپتسيەۆيچ كوشەسىنىڭ بويىنداعى سۋ قۇبىرى جاڭارتىلدى، ۆوروۆسكيي كوشەسىنىڭ بويىنا سۋ قۇبىرى تارتىلدى. ناتيجەسىندە 48 جانە 19 جاڭا ابونەنتتەر ءبىر ورتالىقتاندىرىلعان سۋمەن قامتاماسىز ەتۋ جۇيەسىنە قوسىلدى. سونداي- اق، ينۆەستيتسيالىق باعدارلاما شەڭبەرىندە كارىز جۇيەسىنىڭ توزىعى جەتكەن ۋچاسكەلەردەگى قۇبىرلار اۋىستىرىلىپ، جاڭا سورعىشتار ورناتىلدى. جالپى، «كوكشەتاۋ سۋ ارناسى» كوممۋنالدىق كاسىپورىنىنىڭ مەنشىگىندە 310 شاقىرىم سۋ قۇبىرى بولسا، وسى كۇنگە دەيىن ونىڭ 120 شاقىرىمى اۋىستىرىلعان. كاسىپورىن 2000 زاڭدى، 57000 جەكە تۇلعاعا قىزمەت كورسەتەدى.
اۆتور: اسلان وسپانوۆ
