بەلگىلى ەكستراسەنس يليا يليننىڭ توكيو وليمپياداسىنا قاتىسا المايتىنىن ايتتى
كوپشىلىك، اسىرەسە، ونىڭ سپورتتىق مانسابىنا الاڭداۋلى. يليننىڭ سپورتقا قايتىپ ورالاتىنى راس پا؟ زىلتەمىرشىنى الداعى ۋاقىتتا نە كۇتىپ تۇر؟ تانىمال ەكستراسەنس ءاليا ءسالىموۆا سپورت مايتالمانىنىڭ بولاشاقتاعى مانسابىنا بولجام جاساپ كوردى.
بەلگىلى ەكستراسەنس يليندى بۇرىندارى كەزدەستىرگەنىن، الايدا، ونىڭ ومىرىندە ورىن العان ءتۇرلى جايتتاردان حابارسىز ەكەنىن اتاپ ءوتتى.
«مۇنداي جاعداي جالعىز ونىڭ عانا ەمەس، باسقا دا سپورتشىلاردىڭ باسىنان وتكەن سياقتى. اسىرەسە، زىلتەمىردەن ەلىمىزدىڭ قىزدار قۇراماسى دا يلين سياقتى سپورتتان كەتۋگە ءماجبۇر بولىپتى. يليانىڭ الداعى مانسابى جايلى ايتار بولسام، كەلەر جىلى ول سپورتقا قايتا ورالۋى ابدەن مۇمكىن جانە الداعى جىل ول ءۇشىن تابىستى ءارى جەتىستىگى مول جىل بولماق.
سپورتشى وتە تاباندى ءارى جىگەرلى ەكەن. ول وسىعان دەيىن جوعالتقان بارلىق مەدالدارىن قايتارۋ ءۇشىن ايانباي ەڭبەك ەتىپ، تەر توگەتىن بولادى جانە ول سول ماقساتىنا جەتەدى دە. يليا مەدالدارىن قايتارىپ الادى. مۇنداي وڭ وزگەرىستەر كەلەسى جىلدىڭ كوكتەمىنەن، شامامەن ناۋرىز ايىنان باستالۋى مۇمكىن.
ال، توكيو وليمپياداسىنا كەلەر بولساق، يلين وعان قاتىسا المايدى، دەسە دە، بولاشاقتا ونى باپكەر رەتىندە كورۋىمىز ابدەن مۇمكىن»، - دەگەن بولجام جاسادى ەكستراسەنس.
سونىمەن بىرگە، بەلگىلى ەكستراسەنستەن كەلەر جىلى وڭتۇستىك كورەيانىڭ پحەنچحان قالاسىندا وتەتىن قىسقى وليمپياداعا قاتىستى بولجامىن دا سۇرادىق.
«قازاقستان قۇراماسى ورتاشا دەڭگەيدە ونەر كورسەتەتىن بولادى. مەدالدارعا كەلەر بولسام، ءبىر «جوعارى دەڭگەيدەگى» مەدال كورىپ تۇرمىن. بۇل التىن نەمەسە كۇمىس مەدال بولۋى مۇمكىن. ال، توكيوعا سپورتشىلارىمىز زور دايىندىقپەن باراتىن بولادى. وندا ەل سپورتشىلارى 4 بىردەي التىن مەن بىرنەشە كۇمىس مەدالدارعا قول جەتكىزۋى ىقتيمال. جالپى، 2020-جىلعى جازعى وليمپيادادا سپورتشىلار بيىكتەن كورىنەدى دەگەن بولجام جاساپ وتىرمىن»، - دەپ ءسوزىن قورىتىندىلادى ەكستراسەنس.
