عالىمدار جادىمىزدان جاعىمسىز ەستەلىكتەردى ءوشىرۋدىڭ ءتاسىلىن ويلاپ تاپتى
بۇل تۋرالى Nature Communications باسىلىمى جازدى.
يۋتا شتاتىندا ورنالاسقان كەمبريدج ۋنيۆەرسيتەتىنىڭ نەيروبيولوگ عالىمدارى ميدىڭ قاجەتسىز اقپاراتتى سۇزگىدەن وتكىزىپ، ارتىنشا جويىپ جىبەرە الاتىن قابىلەتى بار ەكەنىن دالەلدەدى. زەرتتەۋ بارىسىندا اتالعان مەحانيزمنىڭ قالاي جۇمىس ىستەيتىنىن بەلگىلى بولدى. كەي ەستەلىكتەردىڭ جادىمىزدا بولىپ-بولماۋى تىكەلەي گيپپوكامپ بەلسەندىلىگى مەن وعان كەلىپ تۇسەتىن نەيرومەدياتورلاردىڭ مولشەرىمەن بايلانىستى ەكەن.
گيپپوكامپتاعى نەيرومەدياتوردىڭ دەڭگەيى ادامداردىڭ ەستە ساقتاۋ قابىلەتىنە تىكەلەي اسەر ەتكەن. تاجىريبە بارىسىندا ءبىر توپ ادامعا ءتۇرلى سوزدەر ۇسىنىلىپ، ولاردىڭ ءبىرازىن جاتتاپ، كەيبىرەۋىنە ءمان بەرمەۋ تاپسىرىلعان.
ارتىنشا اپپاراتتىڭ كومەگىمەن ەستەلىكتەردى جادىمىزدان جويىپ جىبەرۋگە تىكەلەي گيپپوكامپ جاۋاپ بەرەتىنى انىقتالعان. وسىعان وراي، الداعى ۋاقىتتا بەلگىلى ءبىر وقيعالاردى ۇمىتۋ ءۇشىن جاسۋشا بەلسەندىلىگىن تومەندەتەتىن سەداتيكام سىندى دارىلەر ويلاپ تابىلۋى مۇمكىن.
