ت م د كەڭىستىگىندە قازاقستان - رەسەيلىكتەر اۋە ارقىلى ەڭ كوپ قاتىنايتىن ەل

استانا. قازاقپارات - «تۋتۋ. رۋ» تۋريستىك ينتەرنەت-سەرۆيسى قاراشاداعى اۋە بيلەتتەرىن ىزدەۋ مەن تاپسىرىس بويىنشا تانىمال باعىتتاردىڭ رەيتينگىن جاسادى.

بۇل تۋرالى بۇگىن pavlodarnews.kz. حابارلادى.

رەسەي تۇرعىندارىنىڭ ەڭ كوپ باراتىن جەرى مولداۆيا بولىپ شىقتى - ونىڭ ۇلەسىنە حالىقارالىق رەيس بيلەتتەرىنىڭ %10 ى تيەسىلى. ەكىنشى ورىندا وزبەكستان (%9,7) تۇر.

ءبىر جىلدىڭ ىشىندە بيلەتتەر قۇنىنىڭ جوعارىلاۋىنا قاراماستان، بۇل ەلگە ۇشىپ كەلۋ سانى %3 كە ارتقان. ءۇشىنشى ورىنعا بىلتىر التىنشى ورىندى يەلەنگەن ارمەنيا جايعاسقان.

بۇل ەلگە قولدانۋشىلاردىڭ %6,5 ى بيلەت ساتىپ العان. بۇرىنعى كەڭەس وداعى ەلدەرىنىڭ ىشىنەن العاشقى وندىقتا قازاقستان (%5,2)، بەلارۋس (%4,2)، ازەربايجان (%3,8)، تاجىكستان (%3,7) جانە گرۋزيا (%3,6) بار.

ەۋروپالىق ەلدەردەن بۇل رەيتينگكە گەرمانيا (%6,2) عانا كىرگەن. التىنشى ورىندى يزرايل (%4,3) يەلەنگەن.