پاۆلودار مۇناي وڭدەۋ زاۋىتىنىڭ ديرەكتورى قىزمەتىنەن بوساتىلدى

استانا. قازاقپارات - پاۆلودار مۇناي- حيميا وڭدەۋ زاۋىتىنىڭ باس ديرەكتورى دانباي شۋحرات قىزمەتىنەن بوساتىلدى، دەپ حابارلايدى قازاقپارات «قازمۇنايگاز» ۇ ك» ا ق- نىڭ باسپا ءسوز قىزمەتىنە سىلتەمە جاساپ.

 «قازمۇنايگاز» ا ق وڭدەۋ جانە ماركەتينگ» ا ق ديرەكتورلار كەڭەسىنىڭ شەشىمىمەن پاۆلودار مۇناي- حيميا وڭدەۋ زاۋىتىنىڭ باس ديرەكتورى دانباي شۋحرات قىزمەتىنەن بوساتىلدى. مۇناي وڭدەۋ زاۋىتىنىڭ باس ديرەكتورى مىندەتىن وسپانبەك بالتاباي ۇلى السەيىتوۆ اتقارادى»، - دەلىنگەن كومپانيانىڭ باسپا ءسوز حابارلاماسىندا.

ايتا كەتەيىك، بۇگىن استانادا ق ر ەنەرگەتيكا ءمينيسترى قانات بوزىمبايەۆ شىمكەنت، پاۆلودار جانە اتىراۋ قالالارىنداعى مۇناي زاۋىتتارىنىڭ باسشىلارىمەن كەزدەسىپ، ولاردىڭ كاسىپورىنداردى جاڭعىرتۋ جۇمىستارى تۋرالى ەسەپتەرىن تىڭدادى.

ەنەرگەتيكا ءمينيسترى پاۆلودار مۇناي- حيميا زاۋىتىنىڭ باس ديرەكتورى دانباي شۋحراتتىڭ جۇمىسىن قاتاڭ سىنعا العان بولاتىن.

«مەن سىزگە 1 - قاراشا كۇنى تاپسىرما بەردىم، ءسىز 8 - قاراشادا زاۋىتتىڭ ءبىرقاتار قۇرىلعىسى ىسكە قوسىلاتىنىن ايتتىڭىز. بۇگىن 7 - قاراشا. بۇگىن قۇرىلعىنىڭ 10 - قاراشا ورناتىلاتىنىن ايتىپ وتىرسىز. بۇل دەگەنىڭىز نارىققا جولداعالى وتىرعان بەنزيننىڭ مولشەرى ازايادى دەگەن ءسوز. ول ارزان باعامەن رەسەيلىك بەنزيندى نارىقتان ىسىراتىن قازاقستاندىق بەنزين بولۋى كەرەك ەدى. ءسىز بۇل ماسەلەنى سوزعان سايىن ەل ءۇشىن قيىنعا تۇسە بەرەدى. مەنىڭشە، ماسەلەنى شەشپەسەڭىز، بۇل تۇرعىدا سىزبەن اڭگىمەنى جالعاستىرۋدىڭ دا ءمانى قالمايدى.

ەكىنشى سۇراق: جوندەۋ جۇمىستارىن ساپاسىز جۇرگىزگەندىكتەن، ءسىزدىڭ زاۋىتىڭىزدا ايىنا 150 مىڭ توننا ەمەس، 25 مىڭ توننا ديزەلدىك وتىن وندىرىلەتىن بولادى. دەمەك، ءسىز بۇل ديزەلدى وتىندى يمپورتتاۋعا تۋرا كەلەدى. وسى سەبەپتى، مەنىڭشە، بۇل جۇمىستى تىعىرىققا تىرەدىڭىز دەپ ەسەپتەيمىن. ايىپتى تەحنيكادان كورۋ البەتتە تۇسىنىكتى. بىزدە بەنزين ماسەلەسى بار ەدى، بۇدان بىلاي بىزدە ديزەلدىك وتىنعا قاتىستى ماسەلە تۋىنداۋى ىقتيمال. سوندىقتان، ءسىزدىڭ تاراپىڭىزدان اتقارىلعان جۇمىسقا قاناعاتتاناتىنداي دارەجەدە ەمەس دەپ باعا بەرەمىن»، - دەگەن بولاتىن قانات بوزىمبايەۆ.