07:22, 08 - قاراشا 2017 | GMT +6
ەكى بالاسىن ەرتكەن ايەلدى پويىز باسىپ كەتتى
استانا. قازاقپارات - ۋدمۋرتيادا ەكى بالاسىمەن بىرگە تەمىر جولدان وتكەن ايەلدى پويىز باسىپ كەتكەن.
ر ت ك كولىكتەگى پريۆولجە تەرگەۋ باسقارماسى وسى وقيعاعا بايلانىستى تەكسەرۋدى باستادى.
بۇل تۋرالى باسقارمانىڭ باسپا ءسوز قىزمەتى ءمالىم ەتتى، دەپ حابارلادى «ينتەرفاكس» اگەنتتىگى.
«وقىس وقيعا سەيسەنبى كۇنى ماسكەۋ ۋاقىتىمەن 12:30 دا ۋدمۋرتياداعى موجگا ەلدى مەكەنىندە بولعان. جولاۋشىلار پويىزى باسىپ كەتكەن ايەل كوز جۇمدى»، دەپ ناقتىلادى باسپا ءسوز قىزمەتىندە.
ءوز كەزەگىندە قۇقىق قورعاۋ ورگانىنداعى دەرەككوز ايەلدىڭ تەمىر جولدان كىشكەنتاي ەكى بالاسىمەن بىرگە وتكەندىگىن ايتتى. رەلس ۇستىنە كىدىرىپ قالعان ايەلدى پويىز قاعىپ كەتكەن، ءبىراق بالالار زارداپ شەكپەگەن.
