رۋستام سىباي كاسىپقوي بوكستاعى مانسابىن جەڭىسپەن باستادى
سىر ءوڭىرىنىڭ تۋماسى ەكاتەرينبۋرگتە ءوتىپ جاتقان بوكس كەشىندە رەسەيلىك بوكسشى ۆاسيلي پودنەبەسنىيدى جەڭدى.
ءبىرىنشى راۋندتا ۆاسيلي بەلسەندى جۇدىرىقتاسىپ، ءدوپ سوققىلارىمەن كوزگە تۇسكەن ەدى. ەكىنشى راۋندتان باستاپ رۋستام قارسىلاسىنان قارىمدى، تاجىريبەلى ەكەنىن بايقاتا ءبىلدى.
بىرنەشە رەت سەريالى سوققىلارى ارقىلى قارسىلاسىن كەرى شەگىندىرىپ تە الدى. ناتيجەسىندە ءتورت راۋند قورىتىندىسى بويىنشا تورەشىلەر ءبىراۋىزدان قازاقستاندىق بوكسشىنى جەڭىمپاز رەتىندە تانىدى.
رۋستام سىباي اۋەسقوي بوكستا 75 كەلىگە دەيىنگى سالماقتا جۇدىرىقتاستى. قازاقستان چەمپيوناتىنىڭ ەكى دۇركىن جەڭىمپازى. 2013-جىلعى ازيا چەمپيوناتىنىڭ كۇمىس جۇلدەگەرى.
ەكاتەرينبۋرگتەگى «Extra Round 4ح بوكس كەشىنە رۋستامنان وزگە دە قازاقستاندىق بوكسشىلار قاتىسۋدا.
كەشتەگى ءبىرىنشى جەكپە-جەكتە ءابىلحايىر شەعاليەۆ يگور ەرحوۆتى ءبىرىنشى راۋندتا نوكاۋتپەن جەڭدى.
ال پاۆلودارلىق ايبەك قوجاحمەتوۆ رەسەيلىك سامۆەل گانديليانعا تەحنيكالىق نوكاۋتپەن ەسە جىبەردى. ەكاتەرينبۋرگتە داۋلەت داۋكەنوۆ كاسىپقوي بوكستاعى ءۇشىنشى جەكپە-جەگىن وتكىزىپ، ميحايل لەسنيكوۆتى ايقىن جەڭدى.
تورەشىلەر ۇپايى ءبىراۋىزدان داۋلەتكە بەرىلدى. وتانداسىمىز وسىعان دەيىنگى ەكى كەزدەسۋىندە دە جەڭىسكە جەتكەن.
