ساسىق يىستەن شارشاعان استانالىق كورشىسىن سوتقا بەردى
استانا. قازاقپارات - استانا قالالىق سوتى ەلوردالىق تۇرعىندى پاتەرىن كۇل-قوقىستان تازارتۋعا مىندەتتەدى، دەپ حابارلايدى قازاقپارات.
قالالىق سوت باسپا ءسوز قىزمەتى تاراتقان مالىمەتكە قاراعاندا، ەلورداداعى ۇيلەردىڭ ءبىرىنىڭ تۇرعىنى كورشىسىنىڭ ۇستىنەن شاعىم تۇسىرگەن. ونىڭ ايتۋىنشا، كورشىسى پاتەرىنە، بالكونىنا قوقىس كونتەينەرىنەن اكەلىنگەن قالدىق زاتتارعا تولتىرىپ قويىپ جۇرگەن. سونىڭ سالدارىنان بۇلىنگەن قوقىس يىستەنىپ، ءتىپتى كورشىلەرىنىڭ دە پاتەرلەرىنە ساسىق ءيىس جەتكەن.
«جاۋاپ بەرۋشىنىڭ ءوزى اتالعان پاتەردە تۇرمايدى. ول ءيتى مەن مىسىعىن تاماقتاندىرۋ ءۇشىن عانا كەلەدى. كورشىلەرىنىڭ بىرنەشە مارتە پاتەرىن تازالاۋدى وتىنگەن سوزدەرىنە قۇلاق اسپاعان. استانا قالالىق تۇتىنۋشىلار قۇقىعىن قورعاۋ باسقارماسى وكىلىنىڭ قورىتىندىسىنا سايكەس جاۋاپ بەرۋشىنىڭ پاتەرى انيتانيتارلىق جاعدايدا. الماتى اۋداندىق سوتى شاعىمدانۋشىنىڭ تالابىن قاناعاتتاندىرىپ، جاۋاپ بەرۋشىگە پاتەرىن تۇرمىستىق قوقىستان تازالاۋدى جانە دەزينفەكسيالىق وڭدەۋ جۇرگىزۋدى مىندەتتەدى. شەشىم زاڭدى كۇشىنە ەندى»، - دەلىنگەن تاراتىلعان اقپاراتتا.
