مىرزاتاي جولداسبەكوۆ: رامازاننان كەيىنگى قازاقتىڭ ءانىن اسقاقتاتىپ ايتاتىن - وزگەرىس شەرىكباي - ۆيدەو
الدىڭعى اينالىمدا ول جارىلعاپبەردىنىڭ «شاما» تۋىندىسىن ورىنداپ، كوپشىلىكتىڭ كوڭىلىنەن شىققان بولاتىن. جەرەبە تارتۋ كەزىندە وزگەرىسكە باتىس ءوڭىرى مۇحيت مەرالى ۇلىنىڭ «اينامكوز» ءانى بۇيىردى. قازىلار القاسىنىڭ تاراپىنان ونىڭ ورىنداۋشىلىق شەبەرلىگىنە جوعارى باعا بەرىلدى.
تولعانباي سەمبايەۆ:
- وزگەرىستىڭ بۇگىنگى كەرەمەتتىگى انگە ءسىڭىپ كەتپەي، ونى وزىنە ءسىڭدىرىپ ايتقانى. ءوزىڭنىڭ قازاقيلىعىڭ كورىندى. جانىڭنىڭ ءدىرىلى «اينامكوزگە» ءوڭ بەردى.
مىرزاتاي جولداسبەكوۆ:
- كوزىمىزگە جارق ەتە قالعان تالانتتىڭ ءبىرى وسى وزگەرىس. ءبىز جەردەن التىن تاپقانداي قۋانعانبىز. قازىلار القاسى وزگەرىس سياقتى بالادان كوز جازىپ قالماۋى كەرەك. رامازاننان كەيىنگى وسى قازاقتىڭ ءانىن تۋ ەتىپ كوتەرىپ، جەرگە تۇسىرمەي، الاقانىنا سالىپ الپەشتەپ، اسقاقتاتىپ ايتاتىن ءانشى وسى وزگەرىس بولاما دەپ ويلايمىن. بۇل جولى ءبىز وزگەرىستىڭ باعىن بايلامايمىز.
