شەتەلدىكتەر ءۇشىن الەمدەگى ەڭ قىمبات قالا انىقتالدى

 استانا. قازاقپارات - شەتەلدىكتەر ءۇشىن الەمدەگى ەڭ قىمبات قالا سينگاپۋر ەكەنى انىقتالدى.

بۇل تۋرالى Economist Intelligence Unit جۋرنالىنا سىلتەمە جاساپ life.ru جازادى.

جۋرنالدا جاريالانعان ساراپتامالىق باياندامادا 160 تاۋار مەن قىزمەت ءتۇرى قاراستىرىلعان. ولارعا پاتەر جالداۋ، تاماقتانۋ، كيىم، كولىك پەن باسقا دا شىعىندار ەنگىزىلگەن.

زەرتتەۋشىلەر اتاعانداي، ەڭ قىمبات ون قالانىڭ قاتارىندا نەگىزىنەن ازيا مەگاپوليستەرى تۇرعان. سينگاپۋر بولسا وسىمەن ءتورتىنشى رەت ەڭ قىمبات قالالاردىڭ كوشىن باستاپتى. ەكىنشى ورىندا - گونكونگ، ال ءۇشىنشى ورىندا شۆەيتساريالىق تسيۋريح قالاسى، ودان كەيىن وساكا مەن توكيو تۇر.

زەرتتەۋشىلەر سينگاپۋردە كولىك قاتىناسى جانە كيىم قىمبات ەكەنىن اتاپ وتكەن.

 

Baq.kz