قۇدايبەرگەن ديماش ۋكراينالىقتاردى تاڭعالدىرعان الماتىلىق ونەرپازعا ساتتىلىك تىلەدى - كەسكىن
«جارايسىڭ، حانشايىم! وتە جاقسى ورىندادىڭ. سەن اقتىق سىنعا دەيىن جەتەسىڭ دەپ ۇمىتتەنەمىن جانە ساعان سەنەمىن!»، - دەپ جازعان ديماش دانەليانىڭ جەلىدەگى پاراقشاسىنا.
ديماشتىڭ پىكىرىن وقىعان جەلى قولدانۋشىلارى ونەرىمەن الەمدى تاڭعالدىرىپ ۇلگەرگەن ديماشتىڭ قاراپايىمدىلىعىنا ءتانتى بولىپ، قوس ونەرپازبەن ماقتاناتىندارىن جازعان.
«ءبىزدى تاڭقالدىرۋدى قاشان قوياسىڭ؟ سەن قىتايداسىڭ جەكە كونسەرتىڭە دايىندالىپ، البوم جازىپ جاتىرسىڭ، سوندادا ەلدەگى جاڭالىقتى بىزدەن جاقسى ءبىلىپ وتىرسىڭ. سەنەن ارتىق ەشكىم تۇسىنبەيتىن شىعار كونكۋرسقا قاتىسۋدىڭ اۋىر ەكەنىن. سوندىقتان وعان قولداۋ كورسەتىپ جاتىرسىڭ. سەنەن ۇلگى الىپ ءوسسىن دانەليا»، «ديماشتىڭ ءوزى ساتتىلىك تىلەپ جاتىر، ەكى بىردەي الەمدى مويىنداتقان قازاقستاندىقتار ءۇشىن قۋانىشتىمىن!»، «ديمش قولداۋ ءبىلدىرىپ جاتقانىڭ ءۇشىن راقمەت ساعان!»، - دەپ جازعان جەلىدەگىلەر.
ەسكە سالساق، 10 جاستاعى دانەليا تولەشوۆا كونكۋرستىڭ ءتورتىنشى ماۋسىمىندا امەريكالىق اكتريسا ءارى ءانشى دەمي لوۆاتانىڭ «Stone cold» ءانىن شىرقاپ، بارشا زالدى ءدۇر سىلكىندىردى. ءبىر كۇننىڭ ىشىندە YouTube جەلىسىندەگى ۆيدەونى جارتى ميلليونعا جۋىق ادام قاراپ ۇلگەرگەن.
Слепые прослушивания. Голос дети 4. @goloskrainy_official @monatik_official @tanci1plus1 Спасибо моей любимой @singinglady75 за такую мощнейшую подготовку😘
