بايلاردىڭ تىققان بايلىعى اشكەرەلەندى
استانا. قازاقپارات - ەليزاۆەتا پاتشايىمىنىڭ دا وفشوردا اقشاسى بار ەكەن.
اقسۇيەكتەر وتباسىنىڭ تالاي جىلداردان بەرى سالىقتان جالتارىپ كەلگەنى جايلى مالىمەتتەردى اتىشۋلى «جۋرناليستەردىڭ حالىقارالىق كونسورتسيۋمى» جاريالادى دەپ حابارلايدى «ك ت ك» ارناسى.
بۇعان دەيىن «پاناما قۇجاتتارى» ارقىلى تالاي قالتالىنى جىلاتقان تىلشىلەر ەندى «جۇماق قۇجاتتارى» دەگەن اتپەن مەملەكەت باسشىلارىن اشكەرەلەۋدى باستاپتى.
جۇرتتان جاسىرعانى كوپ بەلگىلى تۇلعالاردىڭ ىشىندە - ۇلى بريتانيا پاتشايىمى كوش باستاپ تۇر. ەكىنشى ەليزاۆەتا اقشاسىن بەرمۋد ارالدارىندا تىعىپ ۇستاپ وتىر دەپتى قۇجاتتاردا.
ترامپتىڭ كومانداسى دا قىرۋار قارجىسىن وسىنداعى ەسەپ-شوتقا سالعان كورىنەدى. الايدا ا ق ش پرەزيدەنتىنىڭ كوممەرتسيالىق حاتشىسى، ءارى اتاقتى «نوۆيگاتور» حولدينگىنىڭ ديرەكتورلار كەڭەسىنىڭ ءتوراعاسى روس ۋيلبور مۇنىڭ ءبىرىن دە مويىنداعىسى جوق.
تاپقانىن جاسىرعانداردىڭ ىشىندە ايگىلى انشىلەر مادوننا مەن بونو دا ءجۇر. باس-اياعى 120 بەلگىلى ساياساتكەر مەن مەملەكەت باسشىلارىنىڭ اتى-ءجونى جازىلعان ءتىزىم 13 ميلليون قۇجاتتان تۇرادى ەكەن.
دەسە دە، اقسۇيەكتەر ودان ات-تونىن الا قاشىپ وتىر. ماسەلەن وسى تىزىمدەگى ەڭ بايلاردىڭ ءبىرى ۇلى بريتانيا لوردى مايكل ەكشكروفت جۋرناليستەردى مۇلدە جانىنا جولاتار ەمەس.
