نۇرلان ونەربايەۆ: حالىققا ۇمىتىلماس ءان كەشىن سىيلاعىم كەلەدى
«اناشىم»، «اۋىلىم»، «قاراعىم- اي»، «اي دا، كۇن دە» اندەرىمەن تانىمال بولعان ءانشى تىڭدارماندارىن ساعىنعاندىقتان كونسەرتتىڭ اتىن «ساعىنىش» دەپ قويىپتى.
«كونسەرتتىڭ اتىن «ساعىنىش» دەپ اتادىم. ويتكەنى، كورەرمەندەرىم مەن تىڭدارماندارىمدى شىن مانىندە ساعىنعان سياقتىمىن. اسىرەسە، الماتىلىق ونەر سۇيەر قاۋىمنىڭ ورنى ەرەكشە دەپ بىلەمىن. مەنى كيەلى ساحنانىڭ قوشەمەتىنە بولەگەن دە، بيگىنە كوتەرگەن دە - الماتى تۇرعىندار. سوندىقتان، تالعامعا ساي ەستەتيكالىق، ماعىنالى ونەر كەشىن سىيلاعىم كەلەدى»، - دەدى نۇرلان ونەربايەۆ.
سونداي- اق، ءانشى ۇزاق جىلدار بويى ءتۇرلى مەملەكەتتىك قىزمەتتەردە جۇمىس ىستەپ، كورەرمەننىڭ ىستىق ىقىلاسىنان قول ءۇزىپ قالعانىن جاسىرمادى.
«ءبىراز جىل مەملەكەتتىك قىزمەتتە ءجۇرىپ، كورەرمەندەرىمنەن الشاقتاپ قالدىم. تىڭدارماندارىم دا الەۋمەتتىك جەلىلەر ارقىلى ساحنادان ىزدەيتىندەرىن، اندەرىمدى ساعىناتىندارىن ءبىلدىرىپ جاتىر. سول سەبەپتى، ونەر سۇيەر قاۋىمعا ۇمىتىلماس ءان كەشىن سىيلاۋدى ۇيعاردىم. مەن بۇل كەشكە ەرەكشە دايىندالىپ جاتىرمىن. بارلىعىڭىزدى ارقا- جارقا وتىرىپ ءان تىڭداۋعا شاقىرامىن»، - دەپ ءبولىستى ءانشى.
ايتا كەتەيىك، نۇرلان ونەربايەۆتىڭ شىعارماشىلىق كەشى 24 - قاراشا كۇنى الماتىداعى رەسپۋبليكا سارايىندا ساعات 19.00-دە وتەدى.
اۆتور: اقبوپە ءابدراسۋل
