12:00, 06 - قاراشا 2017 | GMT +6
عالىمدار ادامداردىڭ ولگەننەن كەيىن وزدەرىن قالاي سەزىنەتىندەرىن انىقتادى
استانا. قازاقپارات - امەريكا مەديتسينا ورتالىعىنىڭ عالىمدارى ادامداردىڭ ولگەننەن كەيىن وزدەرىن قالاي سەزىنەتىندەرىن انىقتادى.
بۇل تۋرالى LiveScience باسىلىمى حابارلايدى.
عالىمداردىڭ ايتۋىنشا، ادام ولگەننەن كەيىن ءبىراز ۋاقىت سانا-سەزىمىنىڭ بولاتىنىن انىقتاعان. سەبەبى، ونىڭ ميى بىردەن ولمەيدى ەكەن. مۇنىمەن قاتار، عالىمدار ادامدار قايتىس بولعاننان كەيىن وزدەرىن ءتانىنىڭ ىشىندەگى تۇتقىن سەزىنىپ، قينالادى ەكەن. بۇعان ادامنىڭ ءوز ءتانىن باسقارا الماۋى سەبەپ.
اتالعان زەرتتەۋ بارىسىندا عالىمدار كلينيكالىق ءولىمدى باستان كەشىرگەن ادامداردىڭ وقيعالارىن نەگىزگە العان. ماقالادا زەرتتەۋدىڭ ۇزاق جىلدار بويى پروفەسسور سەم پيرنيانىڭ جەتەكشىلىگىمەن جۇرگىزىلگەنى جازىلعان.
