نيۋ-يوركتە قاۋىپسىزدىك شاراسى ايرىقشا كۇشەيتىلدى

استانا. قازاقپارات - نيۋ-يورك پوليتسياسى قالادا قاراشانىڭ 5 ءى كۇنى وتەتىن مارافون قارساڭىندا قاۋىپسىزدىك شاراسى بۇرىن-سوڭدى بولماعان دەڭگەيگە دەيىن كۇشەيتىلگەنىن حابارلادى.

مارافونعا 50 مىڭنان اسا ادام قاتىسادى دەپ كۇتىلگەن. ءبىر ميلليونعا جۋىق كورەرمەن جينالۋى مۇمكىن.

بۇل مارافون - 31- قازان كۇنگى مانحەتتەن اۋدانىنداعى 8 ادامنىڭ ولىمىنە سەبەپ بولعان تەررورلىق شابۋىلدان كەيىن وتكىزىلىپ تۇرعان تۇڭعىش بۇقارالىق شارا. وسى تەراكت بۇكىل الەمدىك ساۋدا ورتالىعىنداعى 11- قىركۇيەك وقيعاسىنان كەيىنگى ەڭ قاندى شابۋىل رەتىندە اتالادى.

مارافون قاۋىپسىزدىگىن 35 مىڭعا جۋىق پوليتسەي قامتاماسىز ەتەدى.

«ازاتتىق»