الماتى مەن استانادا ارنايى جاساق قىلمىستىق توپ مۇشەلەرىن قولعا ءتۇسىردى
بۇل تۋرالى ۇ ق ك باسپا ءسوز قىزمەتى حابارلايدى.
2017-جىلعى 26-27- قىركۇيەكتە ۇلتتىق قاۋىپسىزدىك كوميتەتىنىڭ كۇشىمەن استانا جانە الماتى قالالارىندا ەسىرتكى قۇرالدارى مەن پسيحوتروپتىق/سينتەتيكالىق زاتتاردى تاراتۋمەن اينالىسقان ەكى ۇيىمداسقان قىلمىستىق توپتىڭ ءىس-ارەكەتىنىڭ جولىن كەسۋگە باعىتتالعان كەڭ اۋقىمدى ارنايى وپەراتسيا وتكىزىلدى.
جابىق ۆەب-كەڭىستىكتى مونيتورينگىلەۋ بارىسىندا ساتىپ الۋشىلارمەن ونلاين-رەجيمدە ەسىرتكى قۇرالدارى جانە پسيحوتروپتىق زاتتار ساتىپ الىنىپ وتىرعان جەكەلەگەن عالامتور-دۇكەندەرى انىقتالدى.
«QIWI- امياندارعا» اقشا قاراجاتتارىن اۋدارۋ جولىمەن ەسىرتكى زاتتارىنا تولەمدەر العاننان كەيىن، سايت اكىمشىلەرى ەسىرتكى ساتىپ الۋشىلارعا تىيىم سالىنعان زاتتاردىڭ جاسىرىن ورىندارىن حابارلاپ وتىرعان.
ودان ءارى جۇرگىزىلگەن جەدەل-ىزدەستىرۋ ءىس-شارالارى بارىسىندا وسىعان دەيىن ۇستالعان قىلمىستىق توپتاردىڭ مۇشەلەرىنىڭ قىلمىستىق بايلانىستارى، الماتى جانە اقتوبە قالالارىنىڭ اۋماعىندا وسىعان ۇقساس جولمەن ەسىرتكى قۇرالدارى مەن پسيحوتروپتىق زاتتاردى تاراتۋمەن اينالىسقان وڭتۇستىك استانانىڭ ەكى تۇرعىنى انىقتالدى.
2017-جىلعى 3- قاراشادا ۇلتتىق قاۋىپسىزدىك كوميتەتى كورسەتىلگەن تۇلعالاردى الماتى قالاسىندا ۇستادى. وتكىزىلگەن ءىس-شارالار ناتيجەسىندە بارلىعى 12 ەسىرتكى ساتۋشىنىڭ قىلمىستىق ءىس-ارەكەتىنىڭ جولى كەسىلدى.
سونىمەن بىرگە جوعارىدا اتالعان سايتتاردى ەسىرتكى زاتتارىن الۋ ءۇشىن پايدالانعان ادامداردى انىقتاۋ بويىنشا ءتيىستى جەدەل-تەرگەۋ ءىس-ارەكەتتەرى جالعاسۋدا.
