قىزىلوردالىق كاسىپكەر ليمون ءوسىرۋدى قولعا الماق

استانا. قازاقپارات -  قىزىلوردالىق كاسىپكەر قارماقشى اۋدانىنداعى ەڭ ءىرى جىلىجايدا ليمون وسىرمەك.

نەگىزىنەن 1 مىڭ 600 شارشى مەتر اۋماقتا 3,5 مىڭ ءتۇپ قىزاناق پەن 1,5 مىڭ ءتۇپ قيار كۇتىمگە الىنعان.

الداعى ۋاقىتتا مۇندا كوكونىستەن بولەك تسيترۋس ونىمدەرىن ءوندىرۋ جوسپاردا بار، دەپ حابارلايدى حابار24.kz.

تەلەارنا سايتىنىڭ حابارلاۋىنشا، كاسىپكەر ءتىپتى ەكزوتيكالىق جيدەكتىڭ بىرنەشە ءتۇرى ەگىپ، سىناقتان وتكىزگەن. كاسىپكەر جىلىجاي شارۋاشىلىعىن قۇرۋ ءۇشىن مەملەكەت تاراپىنان 10 ميلليون تەڭگە جەڭىل پايىزدى نەسيە الىپتى.

الداعى ۋاقىتتا تاعى اۋماعى 2 مىڭ شارشى مەتردى قۇرايتىن جىلىجاي سالىپ، ونىمدىلىك كولەمىن ارتتىرادى.

جالپى قارماقشى اۋدانىندا مۇنداي شارۋاشىلىق ەندى دامىپ كەلەدى. بۇگىندە اۋدان بويىنشا 2 مىڭ 650 شارشى مەتردى قۇرايتىن 4 جىلىجاي عانا بار.

«وسىنى سىرتتان كىرەتىن كوكونىس ونىمدەرىنىڭ ورنىن ءوز جەرىمىزدەن شىققان ونىمدەرمەن الماستىرۋعا ۇمتىلۋ دەپ قاراعان ءجون. ءارى ليمون ەگەمىز دەگەن ويىمىز بار. ءبىر-ەكى ءتۇرىن ەگىپ باستاپ كوردىك، بولادى ەكەن، ءبىزدىڭ جەرگە جەرسىنەدى ەكەن. ونىڭ دا شامالى ميكروكليماتىن كەلتىرۋ كەرەك»، - دەيدى كاسىپكەر ەربول ەشمۇراتوۆ.