قازاقستان ۇكىمەتى مەرەكەلىك كۇندەر تىزبەسىن بەكىتتى

استانا. قازاقپارات - قازاقستان ۇكىمەتى مەرەكەلىك كۇندەر تىزبەسىن بەكىتتى، دەپ حابارلايدى قازاقپارات ادىلەت مينيسترلىگى جانىنداعى نورماتيۆتىك-قۇقىقتىق اكتىلەرى اقپاراتتىق-قۇقىقتىق جۇيەسىنىڭ سايتىنا سىلتەمە جاساپ.

پرەمەر- مينيستر باقىتجان ساعىنتايەۆ اعىمداعى جىلدىڭ 31 -قازانى كۇنى «قازاقستان رەسپۋبليكاسىندا مەرەكە كۇندەر تىزبەسىن بەكىتۋ تۋرالى» №689 ق ر ۇكىمەتىنىڭ قاۋلىسىنا قول قويدى.

وسى قۇجاتقا سايكەس 46 مەرەكەلىك داتادان تۇراتىن تىزبە بەكىتىلدى.

1. قازاقستان رەسپۋبليكاسى ۇلتتىق ۇلانى كۇنى - 10 -قاڭتار؛

2. قازاقتارعا العىس ايتۋ كۇنى - 1 -ناۋرىز؛

3. جەرگە ورنالاستىرۋ، گەودەزيا جانە كارتوگرافيا كۇنى - ناۋرىزدىڭ ەكىنشى سەنبىسى؛

4. گەولوگ كۇنى - ءساۋىردىڭ ءبىرىنشى جەكسەنبىسى؛

5. عىلىم قىزمەتكەرلەرى كۇنى - 12 -ءساۋىر؛

6. قازاقستان رەسپۋبليكاسى مەملەكەتتىك كۇزەت قىزمەتى كۇنى - 21 -ءساۋىر؛

7. مادەنيەت جانە ونەر قىزمەتكەرلەرى كۇنى - 21 -مامىر؛

8. ساياسي قۋعىن- سۇرگىن جانە اشارشىلىق قۇرباندارىن ەسكە الۋ كۇنى - 31 -مامىر؛

9. حيميا ونەركاسىبى قىزمەتكەرلەرىنىڭ كۇنى - مامىردىڭ سوڭعى جەكسەنبىسى؛

10. قازاقستان رەسپۋبليكاسى رامىزدەرى كۇنى - 4 -ماۋسىم؛

11. ەكولوگ كۇنى - 5 -ماۋسىم؛

12. پوليتسيا كۇنى - 23 -ماۋسىم؛

13. مەملەكەتتىك قىزمەتشى كۇنى - 23 -ماۋسىم؛

14. جەڭىل ونەركاسىب قىزمەتكەرلەرى كۇنى - ماۋسىمنىڭ ەكىنشى جەكسەنبىسى؛

15. مەديتسينا قىزمەتكەرى كۇنى - ماۋسىمنىڭ ءۇشىنشى جەكسەنبىسى؛

16. بايلانىس جانە اقپارات قىزمەتكەرلەرى كۇنى - 28 -ماۋسىم؛

17. ديپلوماتيالىق قىزمەت كۇنى - 2 -شىلدە؛

18. قازاقستان رەسپۋبليكاسى ۇلتتىق قاۋىپسىزدىك ورگاندارى قىزمەتكەرلەرى كۇنى - 13 -شىلدە؛

19. بالىق شارۋاشىلىعى قىزمەتكەرلەرى كۇنى - شىلدەنىڭ ەكىنشى جەكسەنبىسى؛

20. مەتاللۋرگ كۇنى - شىلدەنىڭ ءۇشىنشى جەكسەنبىسى؛

21. ساۋدا قىزمەتكەرلەرى كۇنى - شىلدەنىڭ ءتورتىنشى جەكسەنبىسى؛

22. كولىك قىزمەتكەرلەرى كۇنى - تامىزدىڭ ءبىرىنشى جەكسەنبىسى؛

23. قۇرىلىسشى كۇنى - تامىزدىڭ ەكىنشى جەكسەنبىسى؛

24. شەكاراشى كۇنى - 18 -تامىز؛

25. سپورت كۇنى - تامىزدىڭ ءۇشىنشى جەكسەنبىسى؛

26. شاحتەر كۇنى - تامىزدىڭ سوڭعى جەكسەنبىسى؛

27. ءبىلىم كۇنى - 1 -قىركۇيەك؛

28. مۇناي- گاز كەشەنى قىزمەتكەرلەرىنىڭ كۇنى - قىركۇيەكتىڭ ءبىرىنشى جەكسەنبىسى؛

29. وتباسى كۇنى - قىركۇيەكتىڭ ەكىنشى جەكسەنبىسى؛

30. قازاقستان حالقى تىلدەرىنىڭ كۇنى - قىركۇيەكتىڭ ءۇشىنشى جەكسەنبىسى؛

31. اتوم سالاسى قىزمەتكەرلەرىنىڭ كۇنى - 28 -قىركۇيەك؛

32. ادىلەت ورگاندارى قىزمەتكەرلەرىنىڭ كۇنى - 30 -قىركۇيەك؛

33. ماشينا قۇراستىرۋشىلار كۇنى - قىركۇيەكتىڭ سوڭعى جەكسەنبىسى؛

34. ەڭبەك كۇنى - قىركۇيەكتىڭ سوڭعى جەكسەنبىسى؛

35. قورعانىس ونەركاسىبى قىزمەتكەرلەرى كۇنى - 6 -قازان؛

36. ۇستازدار كۇنى - قازاننىڭ ءبىرىنشى جەكسەنبىسى؛

37. قۇتقارۋشى كۇنى - 19 -قازان؛

38. ورمان شارۋاشىلىعى قىزمەتكەرى كۇنى - قازاننىڭ ءۇشىنشى جەكسەنبىسى؛

39. الەۋمەتتىك قورعاۋ جۇيەسى قىزمەتكەرلەرىنىڭ كۇنى - قازاننىڭ سوڭعى جەكسەنبىسى؛

40. كۇزەت ۇيىمدارى قىزمەتكەرلەرى كۇنى - 29 -قازان؛

41. سىرتقى بارلاۋ كۇنى - 5 -قاراشا؛

42. ستاتيستيكا كۇنى - 8 -قاراشا؛

43. ۇلتتىق ۆاليۋتا كۇنى، قازاقستان رەسپۋبليكاسى قارجى سالاسى قىزمەتكەرلەرىنىڭ كاسىبي مەرەكەسى - 15 -قاراشا؛

44. اۋىل شارۋاشىلىعى قىزمەتكەرلەرىنىڭ كۇنى - قاراشانىڭ ءۇشىنشى جەكسەنبىسى؛

45. پروكۋراتۋرا كۇنى - 6 -جەلتوقسان؛

46. ەنەرگەتيك كۇنى - جەلتوقساننىڭ ءۇشىنشى جەكسەنبىسى.

قاۋلى العاشقى رەسمي جاريالانعان كۇننەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.