فرانسيا ەلشىسى اباي مۋزەيىندە بولدى

استانا. قازاقپارات - فرانسيانىڭ قازاقستانداعى توتەنشە جانە وكىلەتتى ەلشىسى فيليپپ مارتينە ابايدىڭ «جيدەباي- ءبورىلى» مەملەكەتتىك قورىق- مۋزەيىنە كەلىپ، اقىن رۋحىنا تاعزىم ەتتى.

مارتەبەلى قوناق باس مۋزەي ەكسپوزيتسياسىمەن تانىستى. ەكسكۋرسيا بارىسىندا اقىن سۋسىنداعان قاينار بۇلاقتار - حالىق اۋىز ادەبيەتى جانە شىعىس پەن ەۋروپا پوەزياسى مەن مادەنيەتىن اشاتىن ادەبيەتتەرگە، اباي تاپسىرعان زاتتارعا، «جاز» بولىمىندەگى ەتنوگرافيالىق جادىگەرلەرگە ەرەكشە قىزىعۋشىلىق تانىتتى.

سونىمەن بىرگە فيليپپ مارتينە مىرزا اباي قۇنانباي ۇلىنىڭ ولەڭدەرىنىڭ، قاراسوزدەرىنىڭ، اندەرىنىڭ ورنى ەرەكشە ەكەنىنە توقتالدى.

بارىنشا جان- جاقتى مالىمەت العان قوناق «زەردە» كىتابىنا ءوز قولتاڭباسى مەن ىزگى تىلەكتەرىن قالدىرىپ، مۋزەي ۇجىمىنا العىس ءبىلدىردى.

ەكسكۋرسيا سوڭىندا، فرانسۋز ەلشىسىنە مۋزەي ديرەكتورى ب. جۇنىسبەكوۆ ابايدىڭ ءتورت تىلدە جارىق كورگەن جىر جيناقتارىن تابىستادى.

anatili.kazgazeta.kz