وڭتۇستىك قازاقستان وبلىسىندا جەتىم بالالار ەجەلگى وتىرار تاريحىمەن تانىستى
دەپ حابارلايدى قازاقپارات ءتىلشىسى.
ەلباسىمىز ن. ءا. نازاربايەۆتىڭ «بولاشاققا باعدار: رۋحاني جاڭعىرۋ» ماقالاسى اياسىندا ۇيىمداستىرلعان ساياحاتتا وتىرار اۋدانىق سوتتىڭ ءتوراعاسى اكىمبەك جاناسوۆ بالالاردى ارنايى كۇتىپ الىپ، ولارمەن بىرگە ءجۇردى.
ساياحاتتى رۋحانيات ءابۋ- ناسىر ءال- فارابي مۇراجايىنان باستاعان وقۋشىلار اۋدان تاريحىنان سىر شەرتەتىن قۇندى جادىگەرلەرمەن جان- جاقتى تانىسىپ، ارىستانباب كەسەنىنە زيارات جاسادى. مۇحتار شاحانوۆتىڭ «كونە قۇمىرانىڭ سىرى جانە وتىرار داستانى» اتتى شىعارمالارىنىڭ نەگىزىندە تۇسىرىلگەن مۋلت حيكايانى تاماشالادى.
جەتكىنشەكتەر وزدەرىن IX- X عاسىردا جۇرگەندەي سەزىنىپ، العان اسەرلەرىمەن كونە وتىرار قالاسىنىڭ ورنى وتىرار توبەگە باردى. وندا جۇرگىزىلىپ جاتقان ارحەولوگيالىق زەرتتەۋ جۇمىستارىمەن تانىسىپ، ەجەلگى عاسىرلاردان سىر شەرتەتىن قاقپا الدىندا ەستەلىككە سۋرەتكە ءتۇستى. وتىرار اۋدانىنىڭ تاريحىنا قانىققان مەكتەپ وقۋشىلارى ارتىنشا تۇركىستان شاھارىندا ورنالاسقان ارىستانبابتىڭ شاكىرتى قوجا احمەت ياسساۋي كەسەنەسىنە زيارات جاسادى. وسكەلەڭ ۇرپاقتىڭ تۋعان جەرگە دەگەن سۇيىسپەنشىلىگىن ارتتىرۋ، تاريحي ورىندارمەن تانىستىرۋ ماقساتىندا ۇيىمداستىرىلعان تانىمدىق ساياحاتتا تاربيەلەنۋشىلەر مەن ۇستازدار قوناقجاي وتىرار جۇرتىنا العىستارىن ءبىلدىردى.
اۆتور: اينۇر اقبايەۆا 
