بيشىمبايەۆ پارتيا قاتارىنان شىعارىلعان جوق - «نۇر وتان» حاتشىسى

استانا. قازاقپارات - ۇستىنەن قىلمىستىق ءىس قوزعالعان بۇرىنعى ۇلتتىق ەكونوميكا ءمينيسترى قۋاندىق بيشىمبايەۆ «نۇر وتان» پارتياسىنان شىعارىلعان جوق.

بۇل تۋرالى «نۇر وتان» پارتياسىنىڭ حاتشىسى قانىبەك جۇماشەۆ ايتتى ، دەپ حابارلايدى قازاقپارات.

«ەگەر بيشىمبايەۆتىڭ كىناسى سوت تارتىبىمەن دالەلدەنەتىن بولسا، ونى كىنالى دەپ تاپسا، وندا پارتيا قاتارىنان شىعارىلادى. قازىرگى ۋاقىتتا ول پارتيا قاتارىنان شىعارىلعان جوق»، - دەدى قانىبەك جۇماشيەۆ «نۇر وتان» پارتياسى ساياسي كەڭەسىنىڭ كەڭەيتىلگەن وتىرىسىنان كەيىن ب ا ق وكىلدەرىنە بەرگەن سۇحباتىندا.

اۆتور: مارلان جيەمباي