ەشقاشان جەڭىلىپ كورمەگەن اۋىر سالماقتاعى كۋبالىق بوكستان شەتتەتىلدى
WBA باسپا ءسوز قىزمەتىنە سىلتەمە جاساعان boxingscene پورتالىنىڭ حابارلاۋىنشا، 38 جاستاعى بوكسشى قازان ايىندا WBA- ءدىڭ دوپينگكە قارسى باعدارلاماسى اياسىندا ەرىكتى تۇردە دوپينگكە قان تاپسىرعان.
ءبىراق تالداۋ ناتيجەلەرى بوكسشى قانىنىڭ قۇرامىندا بوكسشىلارعا تىيىم سالىنعان حلوروتيازيد جانە گيدروحلوروتيازيد ديۋرەتيكتەرىنىڭ بار ەكەنىن كورسەتكەن.
29- قىركۇيەكتە ورتيس بۇكىل الەمدىك بوكس كەڭەسىنىڭ (WBC) نۇسقاسى بويىنشا الەم چەمپيونى اتاعى ءۇشىن ءوتۋى ءتيىس امەريكالىق دەونتەي ۋايلدەرگە قارسى جەكپە-جەك الدىنان دوپينگ سىناعىنان وتپەگەن.
كەيىن ول جەكپە-جەكتەن شەتتەتىلىپ، ۋايلدەر WBA- ءدىڭ بۇرىنعى چەمپيونى كانادالىق بەرمەين ستيۆەرنمەن جۇدىرىق تۇيىستىرگەن بولاتىن.
ورتيستىڭ ديسكۆاليفيكاتسياسىنىڭ مەرزىمى 2018-جىلدىڭ 22- قىركۇيەگىندە اياقتالادى. ەگەر ورتيس ەرەجە بۇزباي، VADA- نىڭ «تازا بوكس» باعدارلاماسىنا قاتىساتىن بولسا 22-ناۋرىزدان كەيىن ونىڭ بوكسقا قايتۋىنا رۇقسات بەرۋى مۇمكىن.
ازىرگە ەشقاشان ءسۇرىنىپ كورمەگەن ورتيس 27 جەڭىسىنىڭ 23 ىندە قارسىلاستارىن نوكاۋتقا تۇسىرگەن.
